Kev dag ntxias sab kev saib xyuas kho mob yog kev nyiag los ntawm kev dag ntxias. Nws yog ib qho kev txhawj xeeb loj rau tag nrho txoj lag luam kev saib xyuas kho mob. Raws li kev kwv yees los ntawm National Health Care Anti-Fraud Association (ib pawg kev lag), 3-10% ntawm cov nyiaj uas neeg Asmeskas siv rau kev saib xyuas kho mob tau poob vim raug dag ntxias txhua xyoo - uas yog nyob rau thaj tsam nruab nrab ntawm $30 plhom thiab $140 plhom hauv ib xyoos twg.
Peb tab tom ua dab tsi txog qhov ntawd
Peb tshawb nrhiav qhov kev dag ntxias los ntawm peb Lub Chaw Tshawb Fawb Tshwj Xeeb (SIU). Pab pawg no ua hauj lwm hnyav los daws cov teeb meem thiab kev txhawj xeeb txog kev dag ntxias thiab kev tsim txom. SIU lub luag hauj lwm yog los tiv thaiv, tshawb nrhiav, tshawb xyuas, thiab tshaj qhia tawm txog kev dag ntxias. Thaum tsim nyog, lawv kuj tseem sau rov qab cov nyiaj poob rau txoj kev dag ntxias thiab kev tsim txom rau kev saib xyuas kho mob. SIU ua hauj lwm nrog cov tswv cuab thiab lawv cov kws kho mob thiab chaw kuaj mob los daws cov xwm txheej sab kev dag ntxias thiab kev tsim txom.
Koj yuav pab tau li cas
Nco ntsoov xyuas koj cov Lus Piav Qhia ntawm Cov Txiaj Ntsig (EOB) kom paub tseeb tias cov nqi tsub los ntawm koj tus kws kho mob yog raug lawm. Thiab, paub txog hom kev dag ntxias tau teev tseg hauv qab no.
Cov piv txwv ntawm kev dag ntxias ib txwm muaj:
- Hais kom cov tuam txhab kev pov hwm txog kev noj qab haus huv them rau cov kev kho mob uas tsis tau muab rau
- Muab kev saib xyuas kho mob uas tsis xav tau thiab sau nyiaj rau qhov ntawd
- Hais tias kev kho mob yog ib qhov tsim nyog thaum nws tsis yog
- Tsim kev hloov pauv tsis raug rau cov kev thov them nyiaj rov qab
- Ntxiv ib tus neeg uas tsis tsim nyog tau txais rau hauv koj qhov phiaj xwm saib xyuas kho mob
- Muab koj daim npav txheeb xyuas tus kheej qiv rau tsev neeg los sis cov phooj ywg siv
Tiv tauj peb
Yog koj pom tias muaj kev dag ntxias, thov hu rau peb ntawm 1-800-382-2000, txuas rau 28363, xa daim ntawv qhia hauv online, los sis email reportfraud@bluecrossmn.com. Koj tsis tas yuav qhia koj lub npe. Yog tias koj hu tom qab cov sij hawm ua hauj lwm, thov sau ib tsab ntawv tseg cia.
Koj kuj tuaj yeem xa ntawv los sis fev ntawv rau:
Blue Cross thiab Blue Shield ntawm Minnesota
Lub Chaw Tshawb Fawb Tshwj Xeeb
P.O. Box 64560
St. Paul, MN 55164-0560
Fev ntawv: (651) 662-1099