Qhov Kev Pab Cuam Kom Zoo

Peb yuav ua qhov no li cas

Peb txhawb nrhiav ntau feem uas cuam tshuam peb cov tswv cuab thiab lawv rab peev xwm kom tau txais kev kho mob thiab kev kho saib xyuas tus cwj pwm thiab cov kev pab uas lawv xav tau. Cov ntsiab lus suav sau ntawm cov no muaj raws li hauv qab no:

2023 cov feem tsom ua rau

Cov ntaub ntawv ntau ntxiv ntawm qee cov dej num tshwj xeeb uas peb tau ua hauj lwm hauv 2023 yog hauv qab no. Txhua txoj hauj lwm pab cuam muaj cov ntaub ntawv hais txog qhov ua tiav thiab seb txoj hauj lwm pab cuam puas yuv txuas ntxiv hauv 2024.

Txhawb txoj kev paub txog kev tiv thaiv saib xyuas kab mob

Lub Tsev Hauj Lwm Saib Xyuas Kev Noj Qab Haus Huv thiab Pab Cuam Tib Neeg hauv Teb Chaws Meskas tau txhais lo lus hais txog kev paub txog kev noj qab haus huv tias yog "txoj kev uas tib neeg muaj peev xwm tau txais, ua tiav thiab nkag siab cov ntaub ntawv kho mob tseem ceeb uas xav tau los txiav txim siab txog kev kho mob uas tsim nyog." Cov kev tshawb fawb tau pom tias cov neeg mob uas muaj kev txawj nyeem ntawv tsawg yuav muaj kev paub txog kev noj qab haus huv tsawg dua, tau txais kev tiv thaiv saib xyuas kab mob​​​​​​​ tsawg dua, muaj kev tswj xyuas tsis zoo rau lawv cov kab mob kho zoo tsis tus qab, thiab tau pw hauv tsev kho mob ntau dua li lwm cov neeg mob.

Txo qhov tsis sib xws hauv kev kho mob ntshav qab zib

Mob ntshav qab zib yog ib yam kab mob mus ntev uas cuam tshuam rau koj lub cev txoj kev hloov cov zaub mov mus ua lub zog. Tus mob ntshav qab zib tseem tsis tau yog tus kab mob kho tau, tab sis nws yog yam kho tau thiab hom 2 ntshav qab zib tuaj yeem tiv thaiv tau. Ua kom lub cev nquag plias, noj tej zaub mov zoo thiab tsis haus luam yeeb tuaj yeem pab tiv thaiv los sis tuav tswj mob ntshav qab zib tau. Txawm hais tias nws yuav txaus ntshai thiab ntxhov siab npaum li cas los, cov neeg mob ntshav qab zib tuaj yeem ua neej nyob ntev, noj qab nyob zoo thiab muaj kev zoo siab tau.

Raws li Minnesota Lub Chaw Hauj Lwm Saib Xyuas Kev Noj Qab Haus Huv¹, mob ntshav qab zib yog yam mob thib rau ua rau neeg ploj tuag coob hauv Minnesota. Mob ntshav qab zib kuj tseem yog lub hauv paus ua rau tsis pom kev, raum tuag thiab raug txiav ko taw hauv qab. Hauv Minnesota, pom kev sib txawv ntawm haiv neeg thiab haiv neeg tsawg uas muaj tus kab mob ntshav qab zib uas qhia pom hauv kev nquag muaj mob ntshav qab zib, mob hnyav, thiab cov tau ploj tuag thiab kev ntaus nqi kev kho mob tiv thaiv rau cov neeg uas mob ntshav qab zib.

Kev tsis sib haum xeeb tshwm sim thaum kev noj qab haus huv ntawm ib pab pawg neeg raug cuam tshuam los ntawm cov feem xws li lawv khwv tau nyiaj ntau npaum cas, lawv haiv neeg los sis haiv neeg tsawg los sis lawv nyob qhov twg. Haiv neeg thiab haiv neeg tsawg kev tsis sib xws tau muaj qhov tsis zoo los ntawm yam xws li tsis mus cuag tau cov tshuaj kho mob ntshav qab zib, cov khoom siv thiab cov kev kho mob tiv thaiv. Qhov no suav nrog qhov tsis muaj kab lis kev cai thiab cov cuab yeej kawm paub txog kev hais lus tsim nyog rau cov mob ntshav qab zib, kev txhawb nqa thiab ntau tus kws kho mob los sis cov kws kho mob muaj peev xwm.

Ntau lub koom haum saib xyuas kev tswj hwm kho mob hauv Minnesota tau tsim kev txhim kho kev sib koom tes los ua hauj lwm ua ke los txhawb kev kho mob ntshav qab zib kom zoo rau cov neeg Minnesota nrog rau kev tsom mus rau cov tswv cuab uas muaj Minnesota Senior Health Options (MSHO) thiab/los sis ntawv tuav pov hwm Minnesota Senior Care Plus (MSC+). Qhov kev sib koom tes no tseem nthuav qhia rau zej zog thiab tsoom fwv cov chaw pab cuam los nrhiav cov hauv kev rau kev sib koom tes.

Kev txhim kho cov txiaj ntsig yug

Nyob rau theem hauv teb chaws, tag nrho cov nqi kab mob rau leej niam thiab kev ploj tuag leej niam tau nce siab nyob rau kaum lub xyoo los no. Cov poj niam haiv neeg dub muaj cov nqi feem kev ploj tuag los ntawm lub cev xeeb tub ntau dua li peb txog plaub npaug piv rau cov poj niam haiv neeg dawb. Hauv Minnesota, cov kev sib txawv no yog qhov tseeb rau cov neeg uas txawv xim nqaij thiab kuj tseem pom muaj lwm feem tseem ceeb los ntawm cov ntaub ntawv kev yug xws li cov me nyuam yug ua ntej sij hawm yug, tus me nyuam lub cev sib, thiab tus me nyuam yug los tuag.

Cov kev tsis sib xws no txuas ntxiv rau cov me nyuam yaus thiab tau cuam tshuam hauv cov feem pua kev txhaj tshuaj tiv thaiv kab mob rau me nyuam yaus. Hauv Teb Chaws, kev ntaus nqi txog kev txhaj tshuaj tiv thaiv yog nyob thaj tsam li 90 feem pua ​​rau ntau hom tshuaj tiv thaiv, tab sis qhov tsis sib xws tseem muaj cov tshuaj tiv thaiv tsawg dua duav roos rau cov me nyuam yaus dub (65%) thiab cov me nyuam yaus nyob qis dua tsoom fwv theem kev txom nyem (64}.4%).

Ntau lub koom haum tuav tswj kev kho mob hauv Minnesota tau tsim kev txhim kho kev sib koom tes los ua hauj lwm ua ke los txhawb "Healthy Start" rau Minnesota cov me nyuam yaus thiab cov neeg cev xeeb tub nrog rau cov tswv cuab uas muaj Prepaid Medical Assistance Program (PMAP) thiab/los sis ntawv tuav pov hwm MinnesotaCare (MNCare). Kev sib koom tes tab tom ua hauj lwm ntxiv rau kev nkag mus tau ntawm cov kev pab cuam doula, kev saib xyuas kab lis kev cai, kev mus ntsib ua ntej yug me nyuam thiab tom qab yug me nyuam, kev txhaj tshuaj tiv thaiv kab mob rau me nyuam yaus thiab kev kuaj me nyuam yaus thaum tsis muaj mob.