Lub Khoos Kas Khoom Plig Kev Noj Qab Haus Huv
Thaum yog ib tug tswv cuab ntawm Blue Cross thiab Blue Shield ntawm Minnesota thiab Blue Plus, koj tuaj yeem tau txais khoom plig rau kev ua tiav qee yam kev tiv thaiv nrog rau lub khoos kas Healthy Rewards.
Tau txais cov khoom plig rau kev saib xyuas koj thiab koj tsev neeg li kev noj qab haus huv
Thaum koj koom nrog lub khoos kas Healthy Rewards, koj thiab koj tsev neeg tuaj yeem tau txais khoom plig rau kev ua tiav qee yam kev noj qab haus huv.
Lub khoos kas khoom plig kev noj qab haus huv ua hauj lwm li cas
Kev tso npe nkag yog nyob ntawm siab. Thaum koj ua tiav koj thawj qhov hauj lwm, koj daim npav khoom plig yuav raug muab xa hauv chaw xa ntawv tuaj hauv koj tsev. Txhua zaus koj ua tiav ib qho hauj lwm, tau muab cov nyiaj daus las ntxiv rau koj daim npav khoom rub plig rov qab tau.
Cov tswv cuab muaj hnub nyoog 18 xyoo thiab laus dua tuaj yeem tsim lawv tus kheej tus as khauj Khoom Plig Kev Noj Qab Nyob Zoo thiab tau txais lawv tus kheej daim npav. Rau cov tswv cuab uas muaj hnub nyoog hluas dua 18 xyoo, cov khoom plig raug muab ntxiv rau daim npav siv rau txhua tus hauv tsev neeg.
Txhawm rau pab pov thaiv koj tus kheej ntiag tug, qee cov hauj lwm yuav tsum muaj daim ntawv luam qhia muab sau thiab xa hauv chaw xa ntawv mus.
Cov Khoom Plig Kev Noj Qab Nyob Zoo lub dashboard piv txwv
Pib tau hauv peb kauj ruam yooj yim
Kauj ruam 1: Tsim koj tus as khauj
Mus saib my.bravowell.com/bluecrossmn los sis hu rau 1-833-786-8722, TTY 711.
Koj yuav xav tau koj tus npawb ID nyob rau tom hauv ntej ntawm koj daim npav ID tswv cuab, qhov chaw nyob email thiab qhov chaw nyob xa ntawv kom pib tau.
Kauj ruam 2: Teem sij hawm qhov kev mus ntsib nrog koj tus kws kho mob
Tau txais cov khoom plig thaum koj los sis koj tsev neeg mus ntsib kws kho mob thiab ua tiav ib qho hauj lwm kev noj qab haus huv uas koj tab tom tsim nyog rau hauv lub khoos kas. Koj tus kws kho mob yuav qhia rau peb paub tias thaum twg koj yuav tsum ua tiav qhov hauj lwm.
Kauj ruam 3: Pib tau txais cov khoom plig
Thaum koj tus kws kho mob qhia rau peb paub tias koj tau ua tiav koj qhov kev mus ntsib thawj zaug, koj daim npav rho nyiaj rov qab yuav raug xa tuaj rau koj. Cov nyiaj daus las yuav raug ntxiv rau koj daim npav txhua zaus koj ua tiav qhov hauj lwm kev noj qab haus huv.
Koj daim npav khoom plig tuaj yeem siv tau hauv yuav luag txhua thaj chaw muag khoom. Nws tsis tuaj yeem siv rau yuav dej cawv, luam yeeb, riam phom los sis twv txiaj.
Tshawb nrhiav cov hauj lwm kev noj qab haus huv
Kev kuaj mob me nyuam yaus thiab me nyuam hluas
Cov tshuaj tiv thaiv mob khaub thuas me nyuam mos
Cov tshuaj tiv thaiv kab mob yog ib qho tseem ceeb ntawm txhua lub hnub nyoog. Qhov khoom plig $25 yuav muab ntxiv rau hauv koj daim npav thaum koj tus me nyuam txhaj tiav ob koob tshuaj tiv thaiv kab mob khaub thuas thaum lawv lub hnub yug thib ob.
Cov tshuaj txhaj tiv thaiv kab mob HPV rau cov me nyuam hluas
(hnub nyoog 9 txog 12 xyoo)
Cov me nyuam hluas yuav tsum tau txhaj cov tshuaj tiv thaiv kab mob HPV kom tiav. Qhov khoom plig $25 yuav muab ntxiv rau hauv koj daim npav thaum koj tus me nyuam txhaj tiav cov tshuaj tiv thaiv HPV thaum lawv hnub nyoog txog 13 xyoo.
Kev coj cov me nyuam yaus tsis muaj mob mus ntsib
(hnub nyoog 0 txog 15 hli)
Kev coj tus me nyuam yaus tsis muaj mob mus ntsig ua rau koj tus kws kho mob tuaj yeem saib xyuas koj tus me nyuam txoj kev loj hlob. Koj tus me nyuam yuav tsum mus ntsib txog rau zaus thaum hnub nyoog 15 hlis.
Qhov khoom plig $10 yuav muab ntxiv rau hauv koj daim npav txhua zaus koj tus me nyuam ua tiav me nyuam yaus tsis muaj mob mus ntsib txog li rau zaus ($60 los sis mus ntsib ntau kawg nkaus rau zaus).
Kev mus ntsib thiv thaiv kab mob
(hnub nyoog 18 txog 21 xyoo)
Kev mus ntsib tiv thaiv kab mob txhua xyoo pab kom paub tseeb tias cov tub ntxhais hluas mus ntsib lawv tus kws kho mob tsis tu ncua kom noj qab haus huv. Cov kev mus ntsib no suav nrog ntau lub ntsiab lus tseem ceeb xws li kev noj qab haus huv lub cev, kev noj qab haus huv ntawm lub hlwb, hnov lus thiab kev txhaj tshuaj tiv thaiv kab mob.
Qhov khoom plig $25 yuav muab ntxiv rau koj daim npav thaum koj ua tiav ib qho kev mus ntsib tiv thaiv kab mob.
Tus me nyuam yaus tsis muaj mob mus ntsib
(hnub nyoog 16 txog 30 hli)
Me nyuam yaus tsis muaj mob mus ntsib pab rau koj tus kws kho mob saib xyuas kev noj qab haus huv thiab kev loj hlob ntawm koj tus me nyuam yaus. Koj tus me nyuam yaus me yuav tsum tau mus ntsib ob zaug ua ntej hnub nyoog 30 hli.
Qhov khoom plig $10 yuav muab ntxiv rau koj daim npav rau kev mus ntsib thawj zaug thiab qhov khoom plig $15 yuav muab ntxiv rau koj daim npav rau qhov kev mus ntsib zaum thib ob.
Mus ntsib thaum me nyuam-nyob zoo
(hnub nyoog 3 txog 17 xyoo)
Me nyuam yaus tsis muaj mob mus ntsib txhua xyoo yog qhov tseem ceeb los pab kom cov me nyuam yaus thiab cov hluas muaj kev noj qab haus huv. Cov kev mus ntsib no suav nrog ntau cov ncauj lus tseem ceeb raws lub hnub nyoog xws li khoom noj haus zoo, kev hnov lus thiab kev txhaj tshuaj tiv thaiv kab mob.
Qhov khoom plig $25 yuav muab ntxiv rau hauv koj daim npav thaum koj tus me nyuam los sis tus hluas ua tiav ib qho kev mus ntsib tsis muaj mob thaum hnub nyoog peb xyoos thiab 17 xyoo.
Kev saib xyuas mob ntshav qab zib
Kev kuaj mob ntshav qab zib hauv ib lub xyoos A1C
(hnub nyoog 18 txog 64)
Qhov kev kuaj mob no yog ib qho tseem ceeb los tshuaj xyuas koj theem piam thaj hauv cov ntshav thiab ntsuas seb koj tswj cov ntshav qab zib tau zoo npaum cas. Lub hom phiaj rau cov neeg laus hnub nyoog 18 xyoos txog 64 feem ntau yog muaj mob ntshav qab zib yog theem A 1C tsawg dua 7%.
Qhov khoom plig $25 yuav muab ntxiv rau hauv koj daim npav thaum koj ua tiav koj qhov kev kuaj ntshav A1C hauv ib lub xyoos.
Kev saib xyuas leej niam
Kev mus ntsib ua ntej yug me nyuam
Nws yog ib qho tseem ceeb kom pib tau txais kev saib xyuas leej niam sai li sai tau thaum koj kuaj pom tias muaj cev xeeb tub. Qhov kev mus ntsib no pab koj npaj qhov kev saib xyuas uas koj xav tau thaum cev xeeb tub.
Tau txais qhov khoom plig $75 rau kev ua tiav ib qho kev mus ntsib ua ntej yug me nyuam los ntawm tus kheej los sis hauv xov tooj.
Luam daim ntawv sau tseg * txhawm rau xa mus rau peb:
Kev mus ntsib saib xyuas ua ntej yug me nyuam - Lus Askiv
Kev mus ntsib saib xyuas ua ntej yug me nyuam - Lus Spanish
Kev mus ntsib saib xyuas ua ntej yug me nyuam - Lus Hmoob
Kev mus ntsib saib xyuas ua ntej yug me nyuam - Lus Somali
Kev mus ntsib saib xyuas ua ntej yug me nyuam - Lus Kaus Lim
Kev mus ntsib saib xyuas ua ntej yug me nyuam - Lus Nyab Laj
Thov txheeb xyuas nrog koj tus kws kho mob txog kev xaiv mus ntsib kws kho mob hauv xov tooj.
Kev mus ntsib tom qab yug me nyuam
Ua kom koj tus kheej noj qab nyob zoo tom qab yug me nyuam yog li koj thiaj ua rau koj tus me nyuam noj qab nyob zoo.
Tau txais qhov khoom plig $75 rau kev ua tiav koj qhov kev mus ntsib tom qab yug me nyuam rau ib mus txog 12 lim tiam tom qab koj yug me nyuam.
Luam daim ntawv sau tseg * txhawm rau xa mus rau peb:
Kev mus ntsib tom qab yug me nyuam - Lus Askiv
Kev mus ntsib tom qab yug me nyuam - Lus Spanish
Kev mus ntsib tom qab yug me nyuam - Lus Hmoob
Kev mus ntsib tom qab yug me nyuam - Lus Somali
Kev noj qab nyob zoo lub hlwb
Kev mus ntsib tom qab muaj mob puas hlwb pw hauv tsev kho mob
(hnub nyoog 6 txog 64 xyoo)
Tau txais kev mus ntsib tom qab kev mob puas hlwb pw hauv tsev kho mob yog qhov tseem ceeb rau koj txoj kev noj qab haus huv thiab kev noj qab nyob zoo mus ntev.
Tau txais qhov khoom plig $25 thaum koj ua tiav qhov kev mus ntsib ntawm tus neeg kiag los sis ntsib hauv xov tooj nrog koj tus kws kho mob nyob hauv xya hnub txij hnub koj tawm hauv tsev kho mob tom qab koj pw kho mob hlwb.
Luam daim ntawv sau tseg * txhawm rau xa mus rau peb:
Kev mus ntsib tom qab muaj mob puas hlwb pw hauv tsev kho mob - Lus Askiv
Kev mus ntsib tom qab muaj mob puas hlwb pw hauv tsev kho mob - Lus Spanish
Kev mus ntsib tom qab muaj mob puas hlwb pw hauv tsev kho mob - Lus Hmoob
Kev mus ntsib tom qab muaj mob puas hlwb pw hauv tsev kho mob - Lus somali
Kev mus ntsib tom qab muaj mob puas hlwb pw hauv tsev kho mob - Lus Kaus Lim
Kev mus ntsib tom qab muaj mob puas hlwb pw hauv tsev kho mob - Lus Nyab Laj
Thov txheeb xyuas nrog koj tus kws kho mob txog kev xaiv mus ntsib kws kho mob hauv xov tooj.
Kev kho tiv thaiv kab mob
Kev kuaj mob kas cees cuav hauv ib xyoos
(hnub nyoog 16 txog 24 xyoo)
Thaum yog ib tus neeg hluas loj, kev kuaj koj cov kab mob los ntawm kev sib deev yog ib qho tseem ceeb ntawm kev saib xyuas.
Tau txais qhov khoom plig $25 rau kev ua tiav ib qho kev kuaj mob kas cees cuav hauv ib lub xyoos.
Luam daim ntawv sau tseg * txhawm rau xa mus rau peb:
Kev kuaj mob kas cees cuav - Lus Askiv
Kev kuaj mob kas cees cuav - Lus Spanish
Kev kuaj mob kas cees cuav - Lus Hmoob
Kev kuaj mob kas cees cuav - Lus Somali
Kev kuaj hniav hauv ib xyoos
(hnub nyoog 2 txog 64 xyoo)
Kev mus kuaj xyuas kaus hniav tsis tu ncua yog ib qho tseem ceeb rau kev noj qab haus huv cov hniav thiab cov hauv paus hniav.
Qhov khoom plig $25 yuav muab ntxiv rau koj daim npav rau kev ua tiav kev kuaj hniav hauv ib xyoos.
Mammogram
(hnub nyoog 40 txog 64 xyoo)
Qhov kev kuaj mis hauv ib xyoos tuaj yeem kuaj pom mob khees xaws mis thaum ntxov, thaum kho tau yooj yim dua.
Qhov khoom plig $50 yuav muab ntxiv rau koj daim npav thaum koj ua tiav qhov kev kuaj mis.
Siv koob xoos saib txoj hnyuv loj
(hnub nyoog 45 txog 64 xyoo)
Qhov kev kuaj txoj hnyuv loj tuaj yeem pab tiv thaiv mob khees xaws txoj hnyuv loj thaum ntxov, thaum nws tseem kho tau yooj yim.
Qhov khoom plig $50 yuav muab ntxiv rau koj daim npav rau kev ua tiav qhov kev kuaj txoj hnyuv loj. Qhov khoom plig tej zaum tsuas yog thov tau txhua 10 xyoo.
Blue Plus Health Kev Ntsuas-Tus Kheej
Ua kom tiav kev ntsuas kev noj qab haus huv kom tau txais daim ntawv nthuav qhia tus kheej thiab nkag mus rau cov cuab yeej thiab cov chaw pab cuam los tswj hwm koj txoj kev noj qab haus huv ntawm koj tus kheej.