Mob hawb pob yog kab mob ntsws uas ua rau nws ua pa nyuaj. Koj tuaj yeem tiv thaiv kev mob hawb pob los ntawm kev ua tib zoo hloov koj ib puag ncig thiab zam qhov uas cuam tshuam. Koj tus kws kho mob kuj yuav sau daim ntawv yuav tshuaj uas yuav pab tau.
Lub hauv paus ua rau mob hawb pob yog dab tsi?
Kev mob hawb pob yog ib hom kab mob raws caij ceg, yog li yog tias ib tus los sis tag nrho koj niam thiab txiv ob leeg puav leej muaj mob hawb pob, ces koj yuav muaj feem mob hawb pob ib yam nkaus. Ntxiv rau kev mob raws caj ces lawm, kev siv tsis haum tshuaj, mob, haus luam yeeb, tsiaj txhu, huab cua txias, kev ntxhov siab los sis kev tawm dag zog tuaj yeem ua rau mob hawb pob.
Cov tsos mob ntawm mob hawb pob yog dab tsi?
Cov tsos mob muaj xws li ua tsis taus pa, hawb pob, hnoos los sis hnov zoo li nruj hauv siab.
Lub ntsws muaj ob txoj hauv kev sib txawv:
- Cov leeg nqaij nruj ua rau ua pa nyuaj
- Txoj hlab pas ti vim tias muaj mob los ntawm lub ntsws
Yuav ua li cas thiaj li zam kom tsis txhob muaj mob hawb pob
Kev mob hawb pob tuaj yeem txawv rau txhua tus. Kawm paub tias yuav zam nws li cas thiaj tuaj yeem tiv thaiv kev mob hawb pob.
Nov yog qee yam uas koj tuaj yeem ua kom tsis txhob muaj qhov tshwm sim ntawm kev mob hawb pob:
- Kev txiav luam yeeb thiab zam kom tau cov pa luam yeeb uas lwm tus tso tawm los
- Looj lub npog qhov ncauj qhov ntswg thaum pleev xim, ua hauj lwm tsim kho los sis ua hauj lwm hauv vaj
- Tau txhaj tshuaj tiv thaiv kev mob khaub thuas
- Siv HEPA cov ntxaij lim dej hauv koj lub tshuab nqus khib nyiab, lub qhov cub thiab lub tshuab cua txias
- Siv cov ntaub pua txaj pw thiab hauv ncoo tiv thaiv kom tsis txhob ua xua
- Coj cov tsiaj tawm ntawm koj lub tsev
- Tswj cov qib kev ntxhov siab kom tsis txhob muaj kev ceeb ntshai
- Mus ntsib tus kws kho mob tshwj xeeb txhawm rau txheeb xyuas qhov ua xua thiab kawm paub txog tias yuav zam nws li cas
- Siv koj cov tshuaj muaj daim ntawv yuav tshuaj li qub
Cov tshuaj kho mob thiab cov cov kev kho mob hawb pob uas ib txwm siv yog dab tsi?
Kev kho mob thiab cov tshuaj kho mob nce raws li qhov koj tus mob hawb pob hnyav npaum cas thiab nquag ua tsis taus pa npaum cas.
- Yog tias koj muaj mob hawb pob me thiab tsawg dua ob qhov kev us tsis taus pa hauv ib lub lim tiam, koj tus kws kho mob yuav sau ib daim ntawv yuav tshuaj los sis tshuaj nqus pa thaum muaj xwm txheej ceev (cov tshuaj noj kom txoj hlab pas loj tuaj) siv raws li qhov xav tau kom sai.
- Yog tias koj muaj ntau tshaj ob zaug ntawm kev mob ua tsis taus pa hauv ib lub lim tiam, koj tus kws kho mob tuaj yeem kuaj koj qhov mob hawb pob tsis tu qab. Lawv tuaj yeem sau daim ntawv cov tshuaj txhua hnub xws li tshuaj nqus tua kab mob los sis tshuaj tiv thaiv kab mob sib kis. Cov no tiv thaiv cov tsos mob hawb pob, tab sis yuav siv li ob peb hnub mam pib ua hauj lwm. Nws tseem ceeb heev uas yuav tsum noj koj cov tshuaj txuas ntxiv txawm tias koj zoo lawm.
Tham nrog koj tus kws kho mob yog tias koj noj koj cov tshuaj raws li qhia thiab zam yam kom tsis txhob ua rau mob hawb pob tab sis tseem muaj mob hawb pob.
Kev tawm dag zog ua pa puas tuaj yeem pab kho mob hawb pob?
Tshwj xeeb tshaj yog nrog kev ntxhov siab vim mob hawb pob los sis mob hawb pob thaum muaj kev ntxhov siab, kev tawm dag zog ua pa yuav pab tau. Lawv muab ib lub cuab yeej rau koj kom txo kev ntxov siab thaum tsom ntsoov rau koj kev ua pa. Sim ua pa nkag thiab tso pa tawm uas maj mam suav mus kom txog kaum.
Kev kuaj mob hawb pob thiab kev kho mob twg uas Blue Cross duav roos?
Qhov kev kuaj nquag siv ntau tshaj rau kev kuaj mob hawb pob yog kuaj kev ua hauj lwm ntawm lub ntsws. Kuaj kev ua xua tuaj yeem txheeb xyuas qhov ua rau mob hawb pob ib yam. Hu rau tus naj npawb pab cuam rau cov neeg qhua ntawm koj daim npav ID tswv cuab kom paub seb cov kev kuaj no puas raug duav roos.
Blue Cross kuj tseem muaj tus tswj hwm xwm txheej thiab kev xa kev qhia paub hauv chaw xa ntawv mus rau cov neeg laus thiab me nyuam yaus txhawm rau tswj kev mob hawb pob. Txoj kev tswj hwm kev saib xyuas yog pub dawb rau cov tswv cuab tsim nyog, yeem thiab tsis pub leej twg paub. Yog xav paub ntxiv txog qhov kev pab cuam, hu rau tus xov tooj pab cuam cov neeg yuav khoom ntawm koj daim npav ID tswv cuab.