Yog tias koj noj cov tshuaj tshwj xeeb thiab muaj qhov txheej txheem pab cuam nyob ua ke nrog koj txoj phiaj xwm kho mob lub tsev muag tshuaj, koj yuav ua hauj lwm ua ke nrog ib qho chaw ntawm peb cov tsev muag tshuaj tshwj xeeb uas muaj kev paub, tau txais kev pom zoo kom tau txais koj cov tshuaj noj. Lawv muab kev txhawb nqa rau koj, kev xa mus txog tom tsev tau yooj yim thiab cov kev txuag nyiaj.
Hais txog cov tshuaj tshwj xeeb
Tau siv cov tshuaj tshwj xeeb los kho cov mob hnyav los sis kho tsis tu qab xws li ntau txoj hlab ntsha txhaws, tus mob ntshav los tsis tu (hemophilia), tus kab mob siab thiab tus mob pob qij txha o rheumatoid. Cov tshuaj no feem ntau yog tshuaj txhaj thiab tus neeg mob tuaj yeem siv tau ntawm tus kheej los sis tus tswv cuab hauv tsev neeg. Koj tus kws kho mob tuaj yeem qhia rau koj tau yog tias koj qhov tshuaj yog qhov tshuaj tshwj xeeb.
Qhov txheej txheem pab cuam pab koj tau li cas thiab
Cov tsev muag tshuaj uas muag cov tshuaj tshwj xeeb muaj kev paub zoo hauv kev nrhiav cov tshuaj thiab cov kev pab cuam rau cov neeg mob uas muaj cov kev xav tau ntau yam uas nyuaj. Ntawm no yog qhov lawv ua hauj lwm:
- Lawv yuav muab cov ntaub ntawv kev kawm rau koj txog koj tus mob thiab koj cov tshuaj noj
- Lawv yuav xa tuaj kiag rau tom koj tsev raws li koj lub sij hawm teem tseg
- Koj kuj yuav tau txais kev nkag txog hauv 24-teev txog cov kws muag tshuaj uas tuaj yeem teb tau koj cov nqe lus nug
- Thaum uas koj siv lub tsev muag tshuaj uas muag tshuaj tshwj xeeb, koj tsuas yuav them koj lub tsev muag tshuaj txoj phiaj xwm qhov nyiaj ntawm qhov nyiaj lov tawm, nyiaj isalas nrog them ua ke los sis tus nqi uas sib koom them. Tsis muaj cov nqi ntxiv rau kev xa tuaj thiab kev siv.
Los pib tau
Chiv thawj, kuaj xyuas daim ntawv teev npe cov tshuaj tshwj xeeb uas tau txais kev pab them los ntawm qhov txheej txheem pab cuam. (Sau Cim Tseg: Koj yuav tsum tau paub txog koj daim ntawv sau npe tshuaj. Tej zaum daim ntawv sau npe tshuaj no yuav hloov pauv yam tsis muaj kev ceeb toom.)
Kauj ruam tom ntej, hu rau ib lub ntawm cov khw muag tshuaj hauv pab pawg koom tes uas muaj qhov tshwj xeeb tau qhia hauv qab no. (Yuav tsum muaj qhov ntaub ntawv tiv tauj ntawm koj tus kws kho mob thiab koj daim npav ID tswv cuab thaum uas koj hu xov rooj rau.)
Cov tsev muag tshuaj hauv pab pawg koom tes tshwj xeeb
Cov tsev muag tshuaj no tau txais kev xaiv los vim pom txog lawv li kev pab cuam rau cov qhua uas zoo heev thiab kev mob siab rau lawv cov neeg mob. Lawv yog cov kws tshaj lij hauv kev siv cov hom tshuaj uas koj tab tom noj.
- Accredo (tag nrho cov tshuaj kho tus mob tshwj xeeb tshwj tsis yog cov tshuaj kho tus mob hemophilia)
Xov tooj: 1-866-470-9554 Fev: 1-888-302-1028
- Tsev Muag Tshuaj Allina Specialty (txhua cov tshuaj tshwj xeeb tshwj tsis yog cov tshuaj hemophilia)
Xov tooj: 1-866-462-2057 los sis 1-612-775-3100 Fev: 1-612-775-3150
- Children's Home Care (cov tshuaj kho hemophilia nkaus xwb)
Xov tooj: 1-866-656-1020 Fev: (612) 813-7207
- Essentia Health (rau txhua yam tshuaj tshwj xeeb tshwj tsis yog cov tshuaj kho hemophilia)
Xov tooj: 1-844-380-5626 los sis 1-715-817-7145 Fev: 1-218-786-7368
- Fairview Lub Tsev Muag Tshuaj Tshwj Xeeb (tag nrho cov tshuaj tshwj xeeb)
Xov tooj: 1-800-595-7140 Fev: 1-866-347-4939
- North Memorial Health Lub Tsev Muag Tshuaj - Lub Chaw Pab Cuam Kev Kho Tus Mob Tshwj Xeeb (tag nrho cov tshuaj kho tus mob tshwj xeeb tshwj tsis yog tus mob hemophilia)
Xov tooj: 1-877-520-5307 Fev: 1-763-581-2814
- Sanford Specialty Pharmacy (rau txhua yam tshuaj tshwj xeeb tshwj tsis yog cov tshuaj hemophilia)
Xov tooj: 1-701-234-7600 Fev: 1-701-234-2405
- Thrifty White Lub Tsev Muag Tshuaj Kho Tus Mob Tshwj Xeeb (tshwj tsis yog tus mob hemophilia)
Xov tooj: 1-855-611-3399 Fev: 1-855-423-8300
Kev mus ntxiv tshuaj
Koj lub tsev muag tshuaj uas muag cov tshuaj tshwj xeeb uas koj xaiv yuav hu rau koj ua ntej txog koj lub sij hawm ntxiv tshuaj uas tau teem tseg. Lawv yuav qhia meej txog koj qhov kev xaj tshuaj thiab koob tshuaj thiab sib tham txog cov kev hloov pauv twg los ntawm koj tus kws kho mob. Lawv kuj tseem yuav tswj xyuas kev xa tuaj rau koj zaum tom ntej.
Lub khoos kas muab coupon chaw muag tshuaj
Cov chaw muag tshuaj lees txais cov coupons chaw tsim tshuaj. Txawm li cas los xij, tsuas yog pob nyiaj uas koj them ntawm tus kheej lub hnab nyiaj thiaj yuav siv tau rau koj li kev sib koom tuav pov hwm, sib koom them, kev txiav tawm thiab ciaj ciam txwv cov nyiaj them ntawm tus kheej lub hnab nyiaj. Pob nyiaj daus las ntawm qhov coupon tsis suav nrog cov khoom no.
Paub ntau ntxiv txog daim ntawv sau cov tshuaj
Txoj hauv kev ua kom nkag siab txog cov txiaj ntsig ntawm cov tshuaj muaj ntawv xaj
Cov txheej txheem txog daim ntawv sau cov tshuaj thiab qhov ntaub ntawv qhia dav txog txhua feem
Puas yog Blue Cross tus tswv cuab?
Rau npe nkag mus saib qhov ntaub ntawv ntxiv txog cov daim ntawv sau cov tshuaj.