Zoo siab txais tos SecureBlue (HMO SNP) cov tswv cuab tshiab
Peb lub hom phiaj yog los pab koj kom tau txais txiaj ntsig zoo tshaj plaws ntawm koj txoj phiaj xwm kho mob thiab cov ke pab ntxiv.
Pib tau nrog koj SecureBlue txoj phiaj xwm
Tsim koj tus as qhauj tswv cuab
Koj tus as khauj tswv cuab muaj kev nyab xeeb thiab tus kheej tso cai rau koj nkag mus rau cov ntaub ntawv tseem ceeb ntawm kev noj qab haus huv thiab cov peev txheej tshwj xeeb rau koj qhov phiaj xwm cov txiaj ntsig.
Tau txais cov ntaub ntawv tshiab tshaj plaws uas ntsig txog thiab niaj hnub hais txog koj qhov phiaj xwm:
- Saib cov ntsiab lus txoj phiaj xwm thiab tshuaj xyuas kev duav roos thiab cov txiaj ntsig
- Mus saib tau koj cov ntsiab lus ntawm cov txiaj ntsig thiab tswv cuab phau ntawv qhia
- Tshawb nrhiav cov tshuaj raug duav roos thiab hauv pab pawg tsev muag tshuaj koom tes nrog hauv
- Saib, rub tawm thiab luam koj daim (cov ) npav txheeb xyuas tus kheej
Koj daim npav ID tswv cuab
Koj daim npav ID tswv cuab tau muab xa tuaj rau koj tom qab koj qhov kev lees paub kev rau npe.
Cov feem tseem ceeb ntawm koj daim npav ID
- Koj lub npe, tus ID, thiab tus lej phiaj xwm
- Cov npawb xov tooj tseem ceeb
- Cov lus qhia los pab cov kws kho mob xa cov ntawv thov nyiaj rov qab
Nrhiav ib tug kws kho mob
Thaum koj muaj ib txoj phiaj xwm SecureBlueSM, koj xaiv ib tus kws kho mob los sis lub chaw kuaj mob los ntawm peb lub chaw koom tes nrog los ua koj lub chaw kuaj mob xub thawj. Lawv yuav paub koj thiab khaws tag nrho koj cov ntaub ntawv kho mob rau hauv ib qho chaw.
Nrhiav hauv online rau tus kws kho mob hauv pab pawg koom tes
Koj kuj tseem muaj txoj kev xaiv tiv tauj nrog pawg thawj kws kho mob-muaj ntawv lees paub thiab cov kws kho mob tshwj xeeb uas muaj ntawv tso cai hauv kev hu vis dis aus sib tham uas siv Doctor on Demand 24 teev hauv ib hnub, 7 hnub hauv ib lub lim tiam.
Nrhia Cov kws kho hniav
Peb cov phiaj xwm duav roos cov kev pab kho hniav, suav nrog kev kuaj xyuas, kev tu kom huv thiab kev ntsia hniav.
Txog kev saib xyuas hniav, siv Delta Dental daim ntawv teev cov npe nyob hauv online. Koj yuav tsum xaiv "Minnesota Select Dental" lub chaw koom tes los saib cov kws kho hniav uas koom tes nrog hauv.
Tshawb nrhiav cov ntaub ntawv kho hniav hauv online
Los sis hu rau tus xov tooj hu dawb ntawm 1-800-774-9049, TTY 711
Hnub Monday - Friday 8 sawv ntxov txog 5 tsaus ntuj Sij Hawm Nruab Nrab.
Tshawb nrhiav rau cov chaw muag tshuaj thiab cov tshuaj kho mob
Lub tsev muag tshuaj koom tes nrog yog cov npe ntawm cov khw muag tshuaj (cov khw muag tshuaj) uas koj tuaj yeem tau txais cov tshuaj ntawm tus nqi qis. Xaiv los ntawm ntau cov tsev muag tshuaj hauv peb pab pawg koom tes.
Tej zaum koj yuav tau them nyiaj ntau dua rau koj cov tshuaj yog tias koj tsis siv lub chaw muag tshuaj hauv lub chaw koom tes nrog los sis koj cov tshuaj tsis nyob hauv cov qauv tshuaj (cov npe tshuaj).
Tshawb nrhiav cov chaw muag tshuaj hauv cov koom tes nrog
Tshawb nrhiav cov qauv tshuaj (cov npe tshuaj)
Los sis hu rau tus xov tooj hu dawb ntawm 1-888-877-6424, TTY 711
24 teev hauv ib hnub, xya hnub hauv ib lub lim tiam.
Muaj cov txiaj ntsig ntau ntxiv rau tshawb nrhiav
Cov nyiaj pab rau cov tshuaj tsis muaj ntawv sau yuav thiab cov khoom siv rau kev noj qab nyob zoo
Cov tswv cuab muaj nyiaj pab li ntawm $150 hauv peb lub hlis* los yuav cov khoom xaiv, cov tshuaj tsis muaj ntawv sau yuav (OTC) thiab cov khoom siv kev noj qab nyob zoo los ntawm OTC Health Solutions qhov link daim ntawv teev npe hauv qab no. Koj kuj tseem tuaj yeem xaj yuav cov khoom hauv online, hauv xov tooj los sis los ntawm CVS lub khw muag khoom. Yog tias koj xav tau kev pab tso daim ntawv xaj, koj Tus Neeg Khiav Hauj Lwm Kev Saib Xyuas tuaj yeem pab tau.
Cov txiaj ntsig kev kho hniav ntxiv
Koj tuaj yeem tau txais kev kho ob tus pos hniav (ob tug hniav hauv ib xyoos), ib lub hauv paus cag hniav hauv ib xyoos, thiab txhuam hniav nrog lub tshuab hluav taws xob nrog kev hloov lub hau txhuam hniav txog li peb zaug hauv ib lub xyoos.
Siv Delta Dental cov npe chaw kho hniav hauv online los nrhiav tus kws kho hniav koom tes nrog hauv. Koj yuav tsum xaiv qhov "Minnesota Select Dental" lub chaw koom tes nrog los saib cov kws kho hniav uas yog nyob hauv lub chaw koom tes nrog.
BlueRide Cov kev pab cuam caij tsheb mus los
BlueRideSM muab cov kev duav roos kev kho mob, kho hniav thiab chaw muag tshuaj uas nyab xeeb thiab ntseeg siab tau rau koj mus ntsib nrog cov chaw kho mob hauv koj txoj phiaj xwm cov chaw kho mob koom tes nrog.
Koj tseem tuaj yeem siv BlueRide mus rau kev koom nrog cov chaw qoj ib ce, chav kawm txog kev noj qab haus huv thiab kev noj qab nyob zoo, thiab cov rooj sib tham Narcotics Anonymous thiab Alcoholics Anonymous.**
Tus Khiav Hauj Lwm Saib Xyuas
Tus Khiav Hauj Lwm Saib Xyuas yog ib tus kws saib xyuas neeg mob tau ntawv tso cai, tus ua hauj lwm pab cuam tib neeg los sis tus kws saib xyuas kho mob tsim nyog uas tuaj yeem pab tau koj:
- Mus cuag tau kev saib xyuas hauv tsev, cov kev pab cuam hauv zej zog thiab cov chaw pab cuam hauv cheeb tsam
- Nkag siab txog koj cov txiaj ntsig thiab pab kom tau tso npe rau koj hauv lub khoos kas tshwj xeeb
- Nrhiav kev thauj mus los rau kev teem caij ntsib kws kho mob
- Sib koom tes kho mob ntawm koj lub chaw kho mob xub thawj thiab cov kws kho mob tshwj xeeb
- Tuav tswj koj li kev saib xyuas ua ntej thiab tom qab pw hauv tsev kho mob
Koj Tus Neeg Khiav Hauj Lwm Saib Xyuas yuav tiv tauj tuaj rau koj hauv thawj lub hlis uas koom nrog hauv txoj phiaj xwm. Yog tias koj tsis tau txais kev tiv tauj los ntawm Tus Dhia Hauj Lwm Kev Saib Xyuas, hu rau Lub Chaw Pab Cuam Tswv Cuab ntawm 1-888-740-6013, TTY 711 yog tias muaj lus nug dab tsi. Tus xov tooj yog hu dawb.
Tus Tswj Hwm Xwm Txheej
Yog tias koj muaj mob loj, raug mob los sis mob ntev, koj yuav raug xaiv los ua Tus Neeg Mob Ntawm Tus Thawj Saib Xyuas. Lawv yuav pab koj:
- Nkag siab ntau ntxiv thiab ua raws li koj txoj phiaj xwm kho mob, xwm txheej los sis kab mob
- Nrhiav cov kws kho mob koom tes nrog hauv thiab kev pab txhawb kev nyab xeeb ntawm tus cwj pwm
- Teeb tsa kev mus ntsib ntawm kws kho mob thiab ua raws li kev teem caij ntsib
- Teb cov lus nug ntawm kev mus ntsib kws kho mob
Tus Thawj Saib Xyuas Xwm Txheej yuav raug xaiv rau koj raws li qhov koj xav tau. Hu rau Lub Chaw Pab Cuam Tswv Cuab ntawm 1-888-740-6013, TTY 711 nrog cov lus nug. Tus xov tooj yog hu dawb.
Cov cuab yeej thiab cov chaw pab
Peb pom zoo kom nkag mus rau hauv koj tus as qhauj tswv cuab kom tau txais txiaj ntsig zoo tshaj plaws ntawm koj cov cuab yeej siv thiab cov chaw pab cuam.
Tus xov tooj ntawm tus kws tu neeg mob
Cov kws saib mob sau npe thiab paub txog muaj nyob txhua lub sij hawm, nruab hnub los sis hmo ntuj thaum koj xav tau cov lus qhia kho mob los sis kev taw qhia txog qhov yuav mus saib xyuas.
Hu rau tus xov tooj hu dawb 1-888-275-3974, TTY 711.
Tus xov tooj kev kub ntxov rau kev nyab xeeb ntawm tus cwj pwm
Tau txais cov ntaub ntawv hais txog kev noj qab haus huv lub hlwb thiab kev tawm tswv yim txog kev siv yeeb tshuaj.
Los sis hu rau tus xov tooj hu dawb ntawm 1-888-275-3974, TTY 711
24 teev hauv ib hnub, xya hnub hauv ib lub lim tiam.
Qhov phiaj xwm cov qauv ntawv thiab cov ntaub ntawv
Nkag mus rau qhov phiaj xwm cov qauv ntawv thiab cov ntaub ntawv koj yuav xav siv xws li:
- Phau Ntawv Qhia Tswv Cuab
- Cov qauv tsim tshuaj (cov npe tshuaj)
- Cov npe Chaw Kho Mob thiab Chaw Muag Tshuaj
- Cov ntaub ntawv txog fab kev cai lij choj
- Tsab ntawv ceeb toom txog pej xeem cov cai
Kev pab rau kev txhais ntawv thiab txhais lus
Tau txais ib tus kws pab txhais lus rau koj qhov kev teem caij ntsib kws kho mob yog tias Lus Askiv tsis yog koj thawj hom lus.
Los sis hu rau tus xov tooj hu dawb ntawm 1-888-740-6013, TTY 711.
Blue Cross thiab Blue Shield ntawm Minnesota thiab Blue Plus nyob ntawm no los pab thiab txhawb koj.
Puas muaj lus nug txog koj txoj phiaj xwm?
Hu Rau Lub Chaw Pab Cuam Tswv Cuab tus xov tooj hu dawb ntawm:
1-888-740-6013, TTY 711.
Cov kev pab muaj pib txij thaum 8 sawv ntxov txog 8 tsaus ntuj xya hnub hauv ib lub lim tiam (zam rau hnub Thanksgiving thiab Christmas) txij lub Kaum Hlis Tim 1 txog Lub Peb Hlis Tim 31, thiab Hnub Monday txog Friday (zam cov hnub so holidays) txij Lub Plaub Hlis 1 txog Lub Cuaj Hlis Tim 30.
Tus xov tooj yog hu dawb.