Koj yuav nyob nrog kev duav roos li cas nrog lub chaw tuav pov hwm kev noj qab haus huv yog tias koj yog tus tswv lag luam los sis ua tus kws sab laj ywj pheej los sis ua tus neeg ua hauj lwm ywj pheej? Ua raws li cov txheej txheem pov hwm no kom paub tseeb tias koj thiab koj tsev neeg muaj txoj phiaj xwm kho mob.
Yog tias koj ib leeg yog tus tswv nkaus xwb:
Tshawb nrhiav tus kheej thiab tsev neeg cov phiaj xwm
Yog tias koj muaj ib leeg los sis ntau tus neeg ua hauj lwm uas ua hauj lwm rau koj:
Tshawb nrhiav cov phiaj xwm rau pab pawg me
Kuv puas xaiv ib txoj phiaj xwm kho mob rau ib tus neeg los sis pab pawg me?
Tus kheej thiab tsev neeg cov phiaj xwm tuaj yeem duav roos rau koj ib leeg los sis koj thiab koj tsev neeg. Ib txoj phiaj xwm kev pov hwm txog kev noj qab haus huv rau tus kheej/tsev neeg yog txoj kev xaiv yog tias koj ntsib cov xwm txheej no:
- Koj ib leeg yog ib tus tswv xwb, tus tswv los sis tus khub ntawm lub lag luam me thiab
- Koj tsis muaj cov neeg ua hauj lwm tsim nyog uas ua hauj lwm rau koj
Txhawm rau kom tsim nyog ua ib pab pawg me, ib lub lag luam yuav tsum muaj tsawg kawg ib tus neeg ua hauj lwm tsim nyog, uas tsis suav nrog ib tus nqis peev, tus tswv los sis tus khub. Kev pov hwm txog kev noj qab haus huv pab pawg me yog qhov kev xaiv zoo yog tias koj ua tau raws li ntau yam kev tsim nyog, xws li:
- Koj lub lag luam yog lub hauv paus thiab koom nrog kev lag luam hauv Minnesota
- Koj ntiav tsawg kawg ib tus neeg ua hauj lwm tsim nyog thiab tsawg dua 51 cov neeg ua hauj lwm puv sij hawm (tus neeg ua hauj lwm yuav tsum ua tau raws li qhov xwm txheej ntawm tsab kev cai lij choj neeg ua hauj lwm los sis tus khub ua hauj lwm)
- Tsawg kawg yog ib tus neeg ua hauj lwm tsim nyog yuav raug sau npe rau hauv pawg phiaj xwm
- Koj yuav muab kev duav roos rau txhua tus neeg ua hauj lwm tsim nyog uas ua tau raws li qhov yuav tsum muaj hauv txoj phiaj xwm
Kuv yuav tsum xav txog dab tsi thaum xaiv txoj phiaj xwm kev pov hwm txog kev noj qab haus huv?
Qhov tseem ceeb tshaj plaws uas yuav tsum tau xav txog thaum xaiv txoj phiaj xwm kho mob suav nrog:
- Tus muab kev pab cuam thiab tsev muag tshuaj hauv pab pawg koom tes nrog
- Qhov kev xav tau kev kho mob uas koj xav tau
- Koj cov ntawv yuav tshuaj
- Cov nqi raws txoj phiaj xwm
Qhov zoo ntawm cov phiaj xwm pawg me suav nrog kev txuag txuag nyiaj them se, nrog rau kev muaj peev xwm tuav thiab khaws cov neeg ua hauj lwm cia.
Thaum twg kuv thiaj tuaj yeem sau npe rau hauv txoj phiaj xwm kev pov hwm txog kev noj qab haus huv yog tias kuv ua hauj lwm rau tus kheej?
Koj tuaj yeem sau npe rau hauv tus kheej thiab tsev neeg cov phiaj xwm thaum lub sij hawm qhib kev sau npe. Txawm li cas los xij, yog tias koj tau ua hauj lwm rau tus kheej hauv 60 hnub ntawm kev poob kev duav roos vim poob hauj lwm, koj tuaj yeem tsim nyog rau kev sau npe tshwj xeeb.
Koj tuaj yeem sau npe rau hauv cov phiaj xwm pawg me thoob plaws hauv lub xyoo.
Paub ntxiv txog kev pov hwm txog kev noj qab haus huv
Kev pov hwm txog kev noj qab haus huv ua hauj lwm li cas
Kawm paub txog cov as khauj siv nyiaj kho mob