Tus neeg sawv cev tuaj yeem coj koj kev kom ua dhau tag nrho txhua qhov txheej txheem kev txiav txim siab thiab pab koj nrhiav kom tau qhov txiaj ntsig zoo tshaj plaws rau koj qhov nyiaj siv rau kev saib xyuas kho mob. Kev tshawb fawb qhia tias cov neeg uas ua hauj lwm nrog tus neeg sawv cev kuj hnov tias muaj kev ntseeg siab ntau dua nyob hauv txoj phiaj xwm uas lawv xaiv cia.*
Ua hauj lwm nrog tus neeg sawv cev thiab xaiv koj txoj phiaj xwm yam muaj kev ntseeg siab hlo
Muaj ntau cov txiaj ntsig mus rau kev ua hauj lwm ua ke nrog tus neeg sawv cev, thiab nws tsis muaj tus nqi dab tsi li. Ntawm no yog peb cov kauj ruam zoo tshaj plaws los ua hauj lwm nrog tus neeg sawv cev uas muaj ntawv tso cai:
- Koj tus neeg sawv cev ua hauj lwm rau koj. Vim tias cov neeg sawv cev tuaj yeem sawv cev rau ntau lub tuam txhab tuav pov hwm, koj tus neeg sawv cev ua siab ncaj ncees rau koj thiab tsis xaiv ua rau txoj phiaj xwm los sis khoom lag luam tshwj xeeb twg. Koj tuaj yeem tso siab tau rau koj tus neeg sawv cev kom xav txog koj cov kev xav tau thiab cov kev txaus siab zoo tshaj plaws thiab nrhiav tag nrho cov kev xaiv uas muaj hauv lub khw.
- Koj tus neeg sawv cev paub txog kev pov hwm txog kev noj qab haus huv. Koj tus neeg sawv cev tuaj yeem ua kom nws yooj yim dua qub los mus nrhiav yuav thiab piv cov phiaj xwm thiab cov khoom lag luam uas sib txawv thiab txuag tau koj lub sij hawm. Tsuas siv li ntawm ib teev nrog koj tus neeg sawv cev uas tsis yog 10-20 teev tshawb nrhiav cov phiaj xwm los ntawm koj tus kheej.
- Koj tus neeg sawv cev tau muab kev pab cuam ntiag tug. Blue Cross muaj cov neeg sawv cev hauv tag nrho 87 cov cheeb tsam nroog hauv xeev Minnesota. Yuav muaj feem muaj ib lub nyob ze rau ntawm koj tsev los sis chaw hauj lwm. Koj tuaj yeem ntsib ntawm koj tus kheej los mus tham txog koj cov kev xav tau uas txawv lwm tus thiab tau txais cov lus teb kiag tam sim.
Blue Cross cov neeg sawv cev ua tau raws li cov qauv tau zoo
Peb tuav tswj peb cov neeg sawv cev rau cov qauv uas ua tau zoo heev los ua kom paub tseeb tias koj tau txais lus taw qhia uas tuaj yeem ua tau zoo tshaj plaws. Tag nrho ntawm Blue Cross cov neeg sawv cev yog:
- Muaj ntawv tso cai los muag kev pov hwm txog kev noj qab haus huv
- Tau txais kev tshuaj xyuas hauv txhua xyoo kom ntseeg tau tias lawv ua tau raws li cov qauv kev ua tau zoo kom nruj
- Yuav tsum tau ua kom tiav kev kawm yam tsis tu ncua thiaj tuaj yeem tuav tswj lawv daim ntawv tso cai
Qee cov neeg sawv cev hu ua Blue Partners, uas txhais tau tias tus neeg sawv cev los sis lub chaw hauj lwm ua tau raws li peb cov qauv zoo tshaj plaws ntawm kev ua hauj lwm thiab kev txaus siab ntawm tus neeg siv khoom.
Nrhiav ib tug neeg sawv cev uas nyob ze koj los mus tham txog cov phiaj xwm kev noj qab haus huv, kev kho hniav los sis kev kho qhov muag rau koj los sis koj tsev neeg.
Yog tias koj yog tus tswv lub tuam txhab lag luam me uas muaj kev txaus siab hauv kev ua hauj lwm nrog tus neeg sawv cev rau koj pab pawg neeg ua hauj lwm, saib peb daim vis dis aus los kawm paub ntxiv.
Ntau ntxiv txog kev nrhiav yuav kev pov hwm txog kev noj qab haus huv
Yuav xaiv ib qhov phiaj xwm kev pov hwm txog kev noj qab haus huv li cas
Kev ntxiv txoj phiaj xwm issawslas kuaj qhov muag
Xaiv txoj phiaj xwm kev pov hwm txog kev kho hniav
Kev qhib kev tso npe yog dab tsi?