Thaum koj siv qhov kev thov tus neeg thib peb nkag mus rau koj cov ntaub ntawv tiv thaiv kev kho mob, Blue Cross thiab Blue Shield ntawm Minnesota thiab Blue Plus (Blue Cross) yuav qhia cov ntaub ntawv uas peb muaj nrog lub application. Nws yog ib qho tseem ceeb uas koj nkag siab thiab pom zoo rau qhov kev sib qhia cov ntaub ntawv no.
Nov yog cov kev tsis lees paub thiab kev tso cai uas koj yuav pom thaum koj rub tawm qhov application lub chaw thib peb thiab pom zoo rau nws nkag mus rau hauv koj cov ntaub ntawv.
Kev Tsis Lees Paub
Thaum koj pib siv lub application tus neeg thib peb, koj yuav tau nkag siab tias koj tso cai rau Blue Cross qhia tawm koj cov ntaub ntawv ntiag tug rau lub application uas koj tau xaiv.
Peb yuav tsum los qhia qhov tsis lees paub no rau koj.
Thaum nias rau qhov "Kuv nkag siab" hauv qab no, koj mus ncaj qha rau Blue Cross kom nthuav tawm koj cov ntaub ntawv ntiag tug rau daim ntawv thov uas koj tau xaiv. Raws lis kev ua dhau los, koj paub tau tias:
- Lub application tsis yog ib txoj cai rau HIPAA los sis Lwm txoj cai tshwj xeeb tsim los tiv thaiv koj tus kheej
- Blue Cross tsis lees txais txhua yam uas tshwm sim rau koj tus kheej cov ntaub ntawv tom qab nws tau tshaj tawm rau lub application
- Qee cov ntaub ntawv uas raug nthuav tawm tsis yog tsim los ntawm Blue Cross thiab Blue Crosstsis xav tau thiab tsis ntsuam xyuas kev yog ntawm cov ntaub ntawv ua ntej nthuav tawm mus rau lub application.
- Blue Cross tsislees txais cov kev ua yog ntawm cov ntaub ntawv los sis cov ntaub ntawv tam sim no.
- Blue Cross yuav tsum ua raws li koj qhov kev thov kom nthuav tawm koj cov ntaub ntawv ntiag tug rau lub application, txawm tias lub application tsis ua raws li koj cov ntaub ntawv ntiag tug.
QHOV SIAB TSHAJ PLAWS UAS TXOJ KEV CIA LIJ CHOJ TSO CAI, BLUE CROSS YUAV TSIS LEES TXOG QHOV XWM TXHEEJ, KEV TSIS NCAJ NCEES, TSEEM CEEB, KEV PUAS TSUAJ UAS MUAJ TSHWM SIM LOS SIS KEV RAU TXIM, TXAWM TIAS YUAV TSHWM SIM NCAJ QHA THIAB TSIS NCAJ, MUAJ COV TXIAJ NTSIG TSHWM SIM LOS NTAWM(A) KEV NTHUAV TAWM KOJ COV NTAUB NTAWV TUS KHEEJ; LOS SIS (B) IB QHO KEV NKAG MUS RAU, LOS SIS SIV ROV NTHUAV TAWM KOJ COV NTAUB NTAWV NTIAG TUG UAS TSHWM SIM LOS NTAWM BLUE CROSS QHOV KEV NTHUAV TAWM. COV KEV TXWV NO SIV RAU TXHUA COV KEV XAV TXOG KEV LEES PAUB, RAWS LI KEV COG LUS, KEV UA PAUJ (SUAV NROG RAU KEV TSIS SAIB TSIS XYUAS), TXOJ CAI LOS SIS YOG TSIS LI NTAWV, BLUE CROSS YUAV TAU TXAIS LUS CEEB TOOM KOM PAUB TXOG QHOV YUAV MUAJ KEV PUAS TSUAJ.
Qhov ntaub ntawv txog kev kawm tseem ceeb
Nrhiav txog qhov uas koj yuav tsum soj saib thiab yam uas tshwm sim thaum koj tso cai rau peb los faib koj qhov ntaub ntawv tawm.
KEV TSO CAI NTHUAV TAWM COV NTAUB NTAWV TIV THAIV KHO MOB
Raws li koj pib siv lub application tus neeg thib peb uas koj xaiv tau, koj yuav tau pom zoo mus lees paub kev tso cai nthuav tawm koj cov ntaub ntawv, raws li tau hais los zaum toj no
Koj tau thov Blue Cross kom nthuav tawm cov ncauj lus kom ntxaws txog koj cov keeb kwm kev kho mob rau lwm tus neeg sab nrauv. Peb xav kom koj nyeem cov ntaub ntawv kev kawm uas peb tshaj tawm txog cov kev tshaj tawm no ua ntej pom zoo muab koj cov ntaub ntawv ntiag tug rau lwm tus neeg sab nrauv.
Saib qhov ntaub ntawv txog kev kawm
Los ntawm nias lub pob "Kuv pom zoo" hauv qab no tom qab nyeem qhov no, koj tso cai rau Blue Cross nthuav tawm ib daim ntawv thov uas koj tau xaiv raws li cov ntaub ntawv hauv qab no, uas yuav suav nrog koj lub npe, chaw nyob, kev kuaj mob, kev kho mob uas koj tau them rau cov kws kho mob, zoo li lwm cov ntaub ntawv:
- Kev thov thiab mus saib cov ntaub ntawv uas cuam tshuam txog kev sib tham nrog rau koj kev cuam tshuam nrog cov kws kev saib xyuas kho mob
- Cov ntaub ntawv hauv lub chaw kuaj mob uas peb sau hauv cov txheej txheem muab kev tswj xwm txheej, kev sib koom tes saib xyuas los sis lwm yam kev pab cuam rau koj
Nov yog koj cov ntaub ntawv uas peb tau khaws cia thaum koj tau sau npe rau hauv Medicare Advantage los sis Medicaid txij li thaum Lub Ib Hlis 1, 2016, peb tuaj yeem khaws cia tau ntev heev.
Cov ntaub ntawv uas peb yuav muab nthuav tawm muaj xws li cov ntaub ntawv kho mob rau Kev Txhaum Ntawm Kev Siv Tshuaj Txhaum, kev kho hlwb, xwm txheej HIV los sis lwm yam ntaub ntawv tsis zoo qhia tawm.
Thaum nias rau ntawm lub pob "Kuv pom zoo" hauv qab no tom qab nyeem tas, koj lees paub tias lub npe thov saum toj saud tsis suav rau tsoom fwv tsab kev cai lij choj hais txog cov ntaub ntawv ntiag tug kev kho mob xws li HIPAA thiab txhua cov ntaub ntawv uas lub application tau txais yauv tsis raug pov thaiv hauv cov kev cai lij choj ntxiv.
Qhov kev tso cai no yog kev yeem ntawm tus kheej. Nws yuav muaj cai siv rau ib xyoos txwm nkaus tshwj tsis yog muab tshem tawm ua ntej lawm. Koj yuav tau nkag siab tias Blue cross yuav tsis them nyiaj rau kev saib xyuas kho mob, kev sau npe rau phiaj xwm kho mob los sis kev muaj cai tsim nyog tau txais txiaj ntsig ntawm kev tso cai no. Koj tuaj yeem thim qhov kev tso cai no los ntawm kev xa daim ntawv thov mus rau:
Blue Cross thiab Blue Shield ntawm Minnesota
P.O. Box 64560
St. Paul, MN 55164
Thaum koj thim qhov kev tso cai no lawm, qhov kev tshem tawm no yuav tsis muaj feem dab tsi rau kev nthuav tawm ua Blue Cross uas nyob rau hauv kev vam khom rau qhov kev tso cai no ua ntej koj tshem tawm.