Nws yog qhov tseem ceeb uas yuav ua raws li qhov txheej txheem kom raug rau qhov teeb meem uas koj muaj no. Koj txoj phiaj xwm cov ntaub ntawv piav qhia txog txhua qhov txheej txheem hauv cov ntsiab lus. Siv cov txuas (links) nyob hauv qab kawg ntawm nplooj ntawv no txhawm rau pab koj xa cov lus tsis txaus siab los sis sau ntawv thov kev rov txiav txim dua.
Yog tias koj xav tau kev pab los ua ntawv tsis txaus siab, thov kev tshuaj xyuas los sis xa daim ntawv thov kom rov txiav txim dua, hu rau tus nab npawb nyob tom qab ntawm koj daim npav ID tswv cuab.
Yuav tiv tauj peb tau rau qhov twg
Rau cov lus tsis txaus siab txog kev kho mob thiab thov rov txiav txim dua
Chaw nyob xa ntawv:
Blue Cross thiab Blue Shield ntawm Minnesota
P.O. Box 982800
El Paso, TX 79998-2800
Lub Chaw Pab Cuam Neeg Siv Khoom cov npawb:
- Medicare Advantage (PPO) cov phiaj xwm: 1-800-711-9865
- Platinum Blue (Tus Nqi) cov phiaj xwm: 1-866-340-8654
- Medicare Supplement cov phiaj xwm: 1-800-531-6686
- TTY 711
Cov nab npawb fev:
- Medicare Advantage cov phiaj xwm: (651) 662-9517
- Platinum Blue cov phiaj xwm: (651) 662-9517
- Medicare Supplement cov phiaj xwm: 1-800-531-6686
Rau Blue Plus / SecureBlueSM cov tswv cuab
Chaw nyob xa ntawv:
Blue Plus / SecureBlue
P.O. Box 982800
El Paso, TX 79998-2800
Lub Chaw Pab Cuam Neeg Siv Khoom tus npawb: 1-888-740-6013 (TTY 711)
Npawb Fev: 651-662-6860
8 teev sawv ntxov txog 8 teev tsaus ntuj Central Time, Hnub Monday txog Hnub Friday, Lub Plaub Hlis 1 txog Lub Cuaj Hlis 30.
Peb muab kev pab cuam hauv xya hnub hauv ib lub lim tiam hauv Lub Kaum Hli 1 txog Lub Peb Hlis 31.
Rau cov lus tsis txaus siab txog cov tshuaj muaj ntawv yuav thiab kev thov rov txiav txim dua
Chaw nyob xa ntawv:
For Medicare Advantage cov tshuaj muaj ntawv yuav (MAPD) thiab Platinum Blue nrog cov phiaj xwm Rx:
Attn: Medicare Lub Chaw Saib Xyuas Cov Ntawv Hais Kev Tsis Txaus Siab
P.O. Box 64813
St. Paul, MN 55164-0813
Rau MedicareBlueSM Rx cov phiaj xwm:
Cov ntawv hais kev tsis txaus siab
P.O. Box 981734
El Paso, TX 79998-1734
Lub Chaw Pab Cuam Neeg Siv Khoom cov npawb:
- Platinum Blue nrog Rx cov phiaj xwm: 1-800-489-7336
- Medicare Advantage cov tshuaj muaj ntawv yuav (MAPD) cov phiaj xwm: 1-800-490-1251
- MedicareBlueSM Rx cov phiaj xwm: 1-888-832-0075
- TTY 711
Cov nab npawb fev:
- Medicare Advantage daim ntawv sau yuav tshuaj (MAPD) thiab Platinum Blue nrog Rx cov phiaj xwm: 1-888-285-2242
- MedicareBlueSM Rx cov phiaj xwm: 1-855-874-0075
Yuav ua li cas yog tias koj muaj teeb meem los sis kev txhawj xeeb
Muaj ob hom ntawm cov txheej txheem rau kev saib xyaus cov teeb meem thiab cov kev txhawj xeeb. Koj daim ntawv cog lus ua tswv cuab, Pov Thawj ntawm Kev Duav Roos, Phau Ntawv Qhia Tswv Cuab los sis Cov Ntsiab Lus ntawm Kev Duav Roos thiab Kev Nthuav Tawm muaj cov ntaub ntawv qhia ntxaws txog txhua qhov txheej txheem. Qhov txheej txheem uas koj siv nyob rau ntawm hom teeb meem uas koj muaj:
Cov kev txiav txim siab thiab cov kev thov kom rov txiav txim dua rau kev raug pov thaiv. Siv qhov txheej txheem no yog tias qhov teeb meem yog hais txog kev raug pov thaiv los sis kev them nyiaj rau cov kev pab cuam kho mob los sis daim ntawv sau cov tshuaj. Piv txwv li, koj thov txog cov kev txiav txim siab txog kev raug pov thaiv los tshawb nrhiav:
- Saib seb koj txoj phiaj xwm puas pab them rau kev pab cuam los sis qhov tshuaj ua ntej koj tau txais kev saib xyuas
- Koj txoj phiaj xwm muab kev raug pov thaiv ntau npaum li cas rau kev pab cuam
- Peb yuav them rau kev pab cuam kho mob los sis tshuaj noj ntau npaum li cas
Koj kuj tuaj yeem thov peb kom tshuaj xyuas los sis hloov pauv kev txiav txim siab txog kev raug pov thaiv uas peb ua los ntawm kev sau daim ntawv thov kom rov txiav txim dua.
Qhov txheej txheem kev ua ntawv lus tsis txaus siab. Siv qhov txheej txheem no yog tias qhov teeb meem cuam tshuam rau cov txiaj ntsig los sis kev raug pov thaiv. Piv txwv li, koj tuaj yeem ua ntawv lus tsis txaus siab txog:
- Qhov ua tau zoo txog kev saib xyuas
- Cov sij hawm tos
- Kev pab cuam rau cov neeg yuav khoom
- Kev huv
- Kev pov thaiv ntaub ntawv ntiag tug
- Qhov ntaub ntawv uas koj tau txais ntawm peb
- Lub sij hawm uas tos peb txiav txim siab rau kev raug pov thaiv
Nug txog kev txiav txim siab rau kev raug pov thaiv los sis ua kev thov kom rov txiav txim dua
Koj tuaj yeem nug peb txog seb cov kev pab cuam twg uas peb pab them rau. Koj kuj tuaj yeem nug peb kom hloov kev txiav txim siab uas peb ua txog koj cov txiaj ntsig thiab kev raug pov thaiv.
Thov txog kev txiav txim siab rau kev raug pov thaiv ua ntej koj tau txais kev pab cuam kho mob. Peb yuav qhia rau koj seb peb puas pab them nws thiab peb yauv them npaum li cas.
Yog tias koj li kev noj qab haus huv xav tau nws thiab koj xav tau lus teb kom sai, thov txog kev txiav txim siab kom sai. Peb yuav teb hauv 72 teev tom qab peb tau txais koj li kev thov. Rau kev txiav txim siab txog kev raug pov thaiv li ib txwm, peb yuav teb hauv 14 hnub hauv daim ntawv qhia hnub hli tom qab peb tau txais koj li kev thov.
Daim ntawv thov kom txiav txim dua yog tias peb twb tau qhia rau koj tias peb yuav tsis pab them los sis tsis them rau kev pab cuam kho mob hauv qhov uas koj xav tau. Peb yuav tshuaj xyuas kev txiav txim siab thiab qhia rau koj paub seb peb puas yuav hloov nws los sis tsis hloov.
Yog tias koj li kev noj qab haus huv yuav tsum muaj nws, koj tuaj yeem thov kom rov txiav txim dua kom sai rau kev pab cuam uas koj twb tsis tau txais. Peb yuav muab lus teb rau koj hauv 72 teev tom qab peb tau txais koj li kev thov. Yog tias koj daim ntawv thov kom rov txiav txim dua yuav tsum tau siv sij hawm ntau rau kev tshuaj xyuas, peb yuav siv sij hawm siab txog 14 hnub mam li muab lus teb rau koj.
Rau cov kev thov kom rov txiav txim dua li ib txwm, peb yuav teb hauv 30 hnub tom qab peb tau txais koj li kev thov. Yog tias koj daim ntawv thov kom rov txiav txim dua yuav tsum tau siv sij hawm ntau rau kev tshuaj xyuas, peb yuav siv sij hawm siab txog 14 hnub ntxiv mam li muab lus teb rau koj. Rau cov kev thov kom rov txiav txim dua cuam tshuam txog kev them nyiaj rau cov kev pab cuam uas koj twb tau txais lawm, peb yuav teb hauv 60 hnub tom qab peb tau txais koj li kev thov.
Yog tias koj hais tias tsis kam rau tag nrho los sis ib feem ntawm koj li kev thov kom rov txiav txim dua, koj tuaj yeem xaiv los ua koj li kev thov kom rov txiav txim dua mus tom ntej. Muaj tsib theem ntawm kev thov kom rov txiav txim dua. Mus saib hauv koj txoj phiaj xwm cov ntaub ntawv rau cov ntaub ntawv ntxiv.
Ua daim ntawv lus tsis txaus siab
Koj tuaj yeem ua daim ntawv lus tsis txaus siab txog qhov ua tau zoo txog kev saib xyuas uas koj tau txais, lub sij hawm tos, kev pab cuam rau cov qhua thaib lwm cov kev txhawj xeeb. Ua daim ntawv lus tsis txaus siab kuj paub tias yog "sau daim ntawv tsis txaus siab."
Muaj ob kauj ruam los xa daim ntawv lus tsis txaus siab:
1. Tiv tauj peb kom sai hauv xov tooj los sis hauv kev sau ntawv tuaj.
- Hu rau tus nab npawb kev pab cuam rau cov qhua nyob rau sab tom qab ntawm daim npav txheeb xyuas tus kheej. Yog tias koj yuav tsum tau ua lwm cov kauj ruam ntxiv, peb yuav qhia rau koj paub.
- Yog tias koj nyiam, koj tuaj yeem piav qhia txog qhov teeb meem hauv kev sau ntawv tuaj thiab thov kom peb los hais daws nws. Koj yuav tsum xa koj daim ntawv lus tsis txaus siab hauv pais xab nis tuaj rau peb hauv 60 hnub thaum qhov txheem xwm tshwm sim.
2. Peb saib mus rau hauv koj daim ntawv lus tsis txaus siab thiab muab lus teb rau koj.
- Txhawm rau tsam muaj kev pheej hmoo rau koj li kev noj qab haus huv, koj tuaj yeem thov rau kev txiav txim siab kom sai. Peb yuav teb hauv 24 teev thaum tau txais koj daim ntawv lus tsis txaus siab thiab qhia rau koj seb peb puas pom zoo los sis tsis pom zoo.
- Rau cov ntawv lus tsis txaus siab li ib txwm, peb yuav teb koj li ntawv lus tsis txaus siab hauv 30 hnub tom qab peb tau txais nws. Yog tias peb yuav tsum muaj ntau hnub ntxiv, peb yuav sau ntawv qhia rau koj. Peb tuaj yeem siv sij hawm siab txog 14 hnub ntxiv mam li teb tau koj li ntawv lus tsis txaus siab yog tias tsim nyog.
- Peb yuav teb seb peb puas pom zoo nrog koj li ntawv lus tsis txaus siab los sis pom zoo.
- Yog tias peb tsis pom zoo los sis tsis lav lees rau qhov teeb meem, peb yuav qhia rau koj paub thiab qhia rau koj tias yog vim li cas.
Yuav nrhiav qhov ntaub ntawv hauv koj cov ntaub ntawv rau tswv cuab tau rau qhov twg
Koj daim ntawv cog lus ua tswv cuab, Cov Ntawv Pov Thawj ntawm Kev Pab Cuam, Cov ntsiab lus ntawm Kev Pab Cuam thiab Kev Tshaj Tawm los sis Cov Tswv Cuab Phau Ntawv piav qhia cov ntsiab lus txog yuav sau daim ntawv tsis txaus siab los yog sau ntawv foob li cas. Koj tuaj yeem nrhiav tau cov ntaub ntawv no rau koj txoj phiaj xwm hauv Medicare phab qhia txog cov ntaub ntawv txog txoj phiaj xwm. SecureBlue txoj phiaj xwm cov tswv cuab tuaj yeem nrhiav pom lawv Phau Ntawv Qhia Tswv Cuab thiab lwm cov cuab yeej nyob ntawm no.
Cov ntaub ntawv kev tsis txaus siab thiab thov rov txiav txim dua
Mus saib tau cov txuas hauv qab no txhawm rau xa ib daim ntawv kev tsis txaus siab los sis ntawv thov rov txiav txim dua. Yog tias koj muaj lus nug, hu rau tus npawb nyob sab tom qab ntawm koj daim npav ID tswv cuab.
- Medicare daim foos tsis txaus siab
- Blue Plus daim ntawv lus tsis txaus siab/daim foos thov kom rov txiav txim dua (PDF)
- SecureBlue (HMO SNP) cov lus tsis txaus siab/cov kev thov kom rov txiav txim dua (PDF)
- Cov kev coj ua txog ntaub ntawv ntiag tug daim foos lus tsis txaus siab (PDF)
Qhov ntaub ntawv ntxiv txog cov kev thov kom rov txiav txim dua
Yog tias koj xav tau cov ntaub ntawv hais txog yuav ua li cas kom tau txais tag nrho cov nab npawb ntawm cov ntawv foob, ntawv tsis txaus siab, thiab cov ntawv thov zam nrog txoj phiaj xwm, koj tuaj yeem hu rau lub chaw pab cuam neeg siv khoom. Koj kuj tuaj yeem nug txog cov qhab nias kev ua hauj lwm tau zoo ntawm txoj phiaj xwm suav nrog qhov nws twb tau muab qhab nias los ntawm txoj phiaj xwm cov tswv cuab li cas thiab nws piv ua ke nrog lwm qhov Medicare cov phiaj xwm kho mob tau li cas.
Txhawm rau thov cov ntaub ntawv no, thov hu rau lub chaw pab cuam neeg siv khoom tus npawb xov tooj nyob sab tom qab ntawm koj daim npav ID tswv cuab, 8 teev sawv ntxov txog 8 teev tsaus ntuj, txhua hnub.