Peb tau txhawb nqa txoj kev muaj vaj huam sib luag fab kev noj qab haus huv thiab kev loj hlob ntawm peb lub xeev los ntev lawm, tab sis tseem tshuav deb qhov peb yuav ua tau tiav log. Peb tab tom hais daws tej kwb kis thiab tej qhov ntsia tsis pom nyob rau hauv peb lub koom haum uas tau pab txhawb rau cov qauv thiab cov kab ke uas tsis sib luag ib qho zuj zus. Peb tab tom ua kom txoj kev muaj vaj huam sib luag fab haiv neeg thiab kev kho mob yog peb txoj lag luam.
Ntawm Blue Cross, peb tau tsim cov zej zog uas muaj kev noj qab haus huv dua los tau ntau xyoo. Ua li ntawd yog qhov tseem ceeb rau peb lub luag hauj lwm uas tsis yog lag luam thiab yog ib feem tseem ceeb ntawm qhov yog peb txoj hauj lwm. Ntawm peb txoj kev taug peb tau los paub tias yog tias peb tsis hais daws qhov tsis muaj vaj huam sib luag ntawm fab kev noj qab haus huv uas peb lub xeev tab tom ntsib - los ntawm peb cov kev nqis peev hauv zej zog thiab los ntawm peb txoj hauv kev ua hauj lwm ob qho tib si - peb tej kev siv zog yuav tsis muaj nuj nqis dab tsi rau qhov peb xav tau thaum kawg. Peb tau muab txoj kev vaj huam sib luag rau khoom kho mob ua qhov tseem ceeb thiab tseem yog lub tswv yim tseem ceeb uas peb tsom rau ua kom tau. Peb ua raws li qhov no los ntawm kev sib koom ua ke cov kev coj ua zoo tshaj plaws hauv kev muaj vaj huam sib luag hauv kev noj qab haus huv hauv txoj hauv kev peb ua hauj lwm, koom tes nrog lub zej zog thiab lwm tus neeg rau kev hloov pauv, thiab muab sij hawm rau cov neeg ua hauj lwm los txhim kho lawv tus kheej rab peev xwm fab kev sib raug zoo uas txhawb muaj ntau haiv neeg thiab kev suav nrog. Peb tab tom txhim kho cov hauj lwm uas twb muaj lawm thoob plaws hauv lub tuam txhab thiab tab tom hloov txoj hauv kev uas peb ua lag luam nrog cov txiaj ntsig tau los zoo mus ua ib ke.
Kev koom khoom kho mob ua ke
Kev sib koom khoom kho mob ua ke fab haiv neeg thiab kev noj qab haus huv yog tib txoj hauv kev los tshem tawm cov qauv kev ntxub ntxaug thiab kev cuam tshuam rau kev tsis muaj vaj huam. Yog li ntawd, peb thiaj li tau ua hauj lwm hnyav los koom ua ke ua hauj lwm thoob plaws lub koom haum.
- Peb tau tsim ib txoj cai vaj huam sib luag fab khoom kho mob sab hauv uas suav nrog kev sib koom cov khoom kho mob ua ke cov ntsiab cai thiab kev muaj peev xwm rau hauv peb cov lus pom zoo uas tseem ceeb, kev npaj tswv yim, thiab cov hom phiaj ntawm tus kheej thiab lub koom haum. Raws li qhov txiaj ntsig tau los ntawm txoj cai no, tam sim no txhua txoj hauj lwm yuav tsum tau kev tshuaj xyuas txog khoom kho mob ua ntej kev txiav txim siab.
- Peb muaj cov ncauj lus ntxaws los tswj txog kev muaj vaj huam ntawm haiv neeg thiab khoom kho mob uas tso cai rau peb ntsuas tau peb qhov kev nce qib thiab tseem ceeb tshaj yog tswj kom peb ua lub luag hauj lwm kom ua tiav peb cov hom phiaj.
- Peb tsim cov ntsiab lus ntawm kev muaj vaj huam rau haiv neeg thiab khoom kho mob los tsom peb cov tswv yim uas nqua hu txoj kev saib xyuas ntawm cov feem hauj lwm uas tuav tes hauj lwm loj tshaj hauv Minnesota qhov kev tsis muaj vaj huam rau- haiv neeg, nyiaj tau los thiab zauv cheeb tsam.
- Peb tab tom ua peb txoj kev cog lus kom tob dua kom hnov cov lus tswv yim los ntawm cov zej zog txawv xim nqaij tawv los ntawm kev koom tes nrog Marnita's Table.
Kev muaj ntau haiv neeg, kev muaj vaj huam sib luag thiab kev sib sau ua ke
Peb txoj hauj lwm DEI yog qhov tseem ceeb rau kev ua tiav thiab hloov mus rau ib lub koom haum tiv thaiv kev ntxub ntxaug rau lwm haiv neeg. Peb tab tom ua hauj lwm thoob plaws lub rooj tsav xwm los hloov peb ib puag ncig, cov cai, cov txheej txheem thiab kab lis kev cai los ua kom rais mus ua ib qhov chaw ua hauj lwm uas muaj kev vaj huam sib luag rau txhua tus neeg koom tes.
Peb txoj hauj lwm muaj xws li:
- Tsim ib pawg neeg tawm tswv yim sab hauv los tsav coj lub tswv yim kev muaj vaj huam sib luag rau haiv neeg thiab khoom kho mob nyob rau sab hauv lub koom haum.
- Kev txais yuav txoj cai uas txhawb nqa cov neeg ua hauj lwm uas hloov pauv qhov yog poj niam los txiv neej
- Kev txais yuav ib txoj cai hauv chav dej siv ua ke uas ua kom muaj vaj huam sib luag rau cov khoom siv txhawb kev yooj yim rau cov neeg ua hauj lwm txhua tus tsis hais yog poj niam los txiv neej
- Tsim cov txiaj ntsig sib luag rau cov neeg ua hauj lwm thiab cov neeg hauv tsev neeg uas hloov pauv qhov yog poj niam los txiv neej
- Txhim kho kev coj noj coj ua hauv lub koom haum los ntawm kev siv Cuab Yeej Txhim Kho Kev Paub Zoo Txog Ntau Cov Kab Lis Kev Cai (IDI) los txhawb kev txhim kho peev xwm kev to taub txog ntau txoj kab lis kev cai
- Nce ntxiv BIPOC cov neeg sawv cev, tshwj xeeb tshaj yog cov thawj coj thoob plaws hauv lub tuam txhab, los ntawm kev tsim kev sib koom tes zoo los ntiav thiab tuav cia ntau cov neeg koom tes BIPOC, nce ntxiv rab peev xwm kev coj noj coj ua ntawm cov thawj coj thiab cov koom tes, tshem tawm kev tsis ncaj ncees los ntawm peb cov kev tshaj xov xwm thoob plaws, thiab kuaj xyuas HR cov cai thiab kev coj ua.
- Muab kev cob qhia txog kev ua tsis ncaj ncees uas tsis yog txhob txwm rau tag nrho cov neeg koom nrog
- Tshaj tawm cov kev cia siab tshiab uas yuav ua kom cov thawj coj ua lub luag hauj lwm kom ntseeg tau tias peb tsim tau qhov chaw ua hauj lwm uas muaj ntau haiv neeg thiab suav nrog ua ke los ntawm kev sawv cev thiab kev coj noj coj ua
Kev ua lag luam
Raws li ib feem ntawm tag nrho peb lub tswv yim kev lag luam peb tau ua kom txoj kev muaj vaj huam sib luag ntawm haiv neeg thiab kev noj qab haus huv yog ib qho 'blue chip (txoj hauj lwm loj hlob ruaj khov)', tsim kom muaj Lub Phiaj Xwm Muaj Vaj Huam Sib Luag Ntawm Haiv Neeg thiab Kev Noj Qab Haus Huv thoob plaws hauv lub koom haum. Cov neeg tseem ceeb nyob hauv qhov phiaj xwm yog:
- Kom tsim tau qhov chaw ua hauj lwm uas muaj ntau haiv neeg thiab suav nrog ua ke los ntawm kev sawv cev thiab kev coj noj coj ua
- Txo kev tsis muaj vaj huam sib luag ntawm kev noj qab haus huv rau cov neeg txawv xim nqaij tawv hauv lub xeev Minnesota
- Tshem tawm cov teeb meem thaiv kev noj qab haus huv rau haiv neeg Dub, Neeg Xeeb Txawm, Neeg Latinx, Neeg Esxias Pacific Islander thiab lwm cov zej zog uas txawv xim nqaij tawv los ntawm kev koom tes hauv zej zog
- Peb tab tom txhawb kev sib txuas ntxiv nrog peb cov neeg sib koom tes muab kev pab cuam raws li qhov muaj nuj nqis uas twb muaj nyob lawm, los txhob kev sib koom tes txoj kev muaj vaj huam sib luag ntawm kev noj qab haus huv nrog rau tus qauv kev them nqi raws li qhov muaj nuj nqis los daws cov chaw kho mob feem ntau raug cuam tshuam los ntawm kev ntxub ntxaug lwm haiv neeg.
- Rau peb cov tswv cuab ntawm Medicaid, peb tab tom ua hauj lwm los txo cov teeb meem cuam tshuam rau kev saib xyuas los ntawm kev nkag tau mus rau cov kev mus ntsib rau kev txhaj tshuaj tiv thaiv thiab mus saib xyuas kev noj qab haus huv, txhim kho poj niam cev xeeb tub txoj kev noj qab haus huv, tshem tawm cov teeb meem rau kev thauj mus los, thiab nce kev nkag tau mus rau kev saib xyuas kho mob hlwb thiab kev kho hniav.
- Tau dhau los ua thawj lub phiaj xwm kho mob hauv Minnesota los tsim ib txoj hauj lwm kws pab tswv yim los pab cuam rau poj niam txiv neej, cog lus los txhawb kev saib xyuas thiab kev pab cuam uas suav nrog thiab muaj vaj huam sib luag rau cov neeg hloov pauv qhov yog poj niam los txiv neej thiab cov tswv cuab tsis yog poj niam tsis yog txiv neej
Zej zog
Los ntawm Blue Cross Foundation thiab Lub Chaw Kev Tiv Thaiv yav dhau los peb tau tsom peb pob nyiaj pab rau txoj kev pib thiab kev sib koom tes uas yog qhov chaw txhawb nqa kev muaj vaj huam sib luag ntawm khoom kho mob:
- Hauv peb lub xyoos dhau los xwb, Lub Chaw Rau Kev Tiv Thaiv tau muab ntau tshaj $27 lab nyiaj thoob plaws lub xeev, thiab Blue Cross thiab Blue Shield ntawm Minnesota Foundation tau muab nyiaj ze li $14 lab nyiaj los txhawb cov zej zog hauv xeev Minnesota
- Muab kev pab nyiaj $5M rau Minnessota Lub Tsev Kawm Ntawv Siab los tsim Lub Chaw rau Kev Tshawb Fawb Antiracism rau Kev Ncaj Ncees Kev Muaj Vaj Huam ntawm Khoom Kho Mob
- Thaum ntxov ntawm kev sib kis kab mob, peb tau pom qhov cuam tshuam tsis zoo ntawm kab mob COVID-19 rau cov zej zog raug sau nyiaj tsis muaj qab hau. Hauv kev hais daws Blue Cross Foundation tau pab nyiaj ntau dua $1 lab los pab txhawb cov neeg uas raug cuam tshuam ntau tshaj plaws los ntawm tus kab mob no thiab pab nyiaj rau kev tawm tsam kev ntxub ntxaug los tawm tsam kev ua phem thiab kev cais haiv rau cov neeg Asmeskas Esxias
Nrhiav kom paub ntau ntxiv txog txiaj ntsig kev ua hauj lwm tshiab ntawm Foundation thiab Lub Chaw Muab Kev Tswj Hwm.
Pej xeem txoj cai
Blue Cross thiab Blue Shield ntawm Minnesota sawv tom qab ntawm nws qhov kev tshaj tawm txog kev ntxub ntxaug tam li yog kev kub ntxhov rau pej xeem txoj kev noj qab haus huv los ntawm kev tawm tswv yim rau kev hloov txoj cai los rhuav tshem txoj kab ke kev ntxub ntxaug.
- Peb txhawb nqa txoj kab ke ntawm HR 1, ib qho kev daws teeb meem tseem ceeb los ntawm Minnesota Lub Tsev Ua Hauj Lwm Sawv Cev Rau Pej Xeem los tshaj tawm tias kev ntxub ntxaug yog kev kub ntxhov ntawm kev noj qab haus huv rau pej xeem, uas tau tsim Pawg Neeg Xaiv Los Saib Xyuas Kev Ncaj Ncees Rau Haiv Neeg uas tau tawm tswv yim los daws kev muaj vaj huam sib luag ntawm haiv neeg thiab khoom kho mob.
- Peb tau tawm tswv yim rau tsoom fwv hauv nroog kom muab qhov kev ntxub ntxaug ua ib qho kev tshaj tawm txog kev kub ntxhov ntawm pej xeem txoj kev noj qab haus huv, suav nrog ntau lub nroog uas muaj neeg nyob coob hauv lub xeev, muaj xws li Lub Nroog Hennepin, Lub Nroog Ramsey, Minneapolis thiab Bloomington.
- Peb tsim peb cov txheej txheem cai kom suav nrog pej xeem kev noj qab haus huv thiab kev txiav txim siab txog teeb meem kev noj qab haus huv hauv sim neej uas feem ntau cuam tshuam rau cov zej zog neeg Dub, Neeg Xeeb Txawm, Neeg Latinx thiab Neeg Esxias Pacific Islander uas yog tsom rau kev hloov cov txheej txheem thiab cov qauv thiab nrhiav lub hauv paus ua rau muaj kev tsis muaj vaj huam sib luag uas peb ntsib hauv peb lub xeev.
- Koom tes nrog thiab pab nyiaj rau lub koom haum hauv zej zog uas BIPOC ua tus coj Nqua Hu Rau Kev Naj Ncees Ntawm Haiv Neeg los npaj thiab koom coj txoj cai tswj hwm kev muaj vaj huam sib luag ntawm haiv neeg thiab khoom kho mob. Qhov kev sib koom ua ke hla kev coj noj coj ua no yuav txhawb tswv yim rau thiab cuam tshuam cov cai txhawb rau kev muaj vaj huam sib luag ntawm haiv neeg thiab khoom kho mob ntawm lub zos, cheeb tsam thiab hauv xeev.
Hloov pauv lus piav qhia
Peb tau ua hauj lwm los hloov cov ntsiab lus piav qhia tseem ceeb ntawm kev noj qab haus huv los ntawm ntau txoj hauv kev, suav nrog peb txoj kev koom tes tsib xyoos uas tauv txais nuj sua plig ntau heev nrog ThreeSixty Journalism suav nrog lwm cov kev pib khoos kas.
- Txhawb zog rau cov neeg tiam tom ntej kom muaj kev piav dab neeg ntawm ntau haiv neeg
- Qhia txog tej hauj lwm zoo kawg hauv zej zog los daws qhov kev tsis muaj vaj huam sib luag
- Ua hauj lwm nrog Greater Minnesota cov zej zog xws li Willmar los daws cov teeb meem kev noj qab haus huv uas ntau haiv neeg tau ntsib los ntawm kev tsim kev sib txuas thiab muab lub suab rau txhua tus hauv zej zog
- Koom tes nrog Twin Cities Public Television (TPT) los muab cov ntaub ntawv hais txog tshuaj txhaj tiv thaiv kab mob COVID-19 rau BIPOC cov zej zog
Cov vis dis aus thiab cov peev txheej
Siv cov peev txheej no kom nkag siab zoo dua cov lus uas yog lub hauv paus ntawm kev sib tham peb xav muaj.
Podcast: Lub Xeev Uas Peb Nyob
Ib zaj lus kaw uas tshawb txog cov ntsiab lus ntsig txog kev noj qab haus huv, kev muaj vaj huam sib luag ntawm haiv neeg thiab khoom kho mob thiab lub zej zog. Pib ua ib feem ntawm kev sib tham.
Cov duab yeeb yaj kiab txog cov khoom kho mob
Cov yeeb yaj kiab txhawb nqa los ntawm lub zej zog piav qhia txog kev ncaj ncees thiab kev vaj huam sib luag, tus zauv cheeb tsam, haiv neeg, nyiaj tau los thiab qhov yog poj niam los txiv neej cuam tshuam li cas rau kev muaj vaj huam, thiab tus nqi ntawm kev tsis muaj vaj huam ntawm fab kev noj qab haus huv yog dab tsi.
Cov npe ntawv nyeem
Ib daim ntawv teev cov phau ntawv qhia txog haiv neeg thiab kev ntxub ntxaug los ntawm ntau tus kws tshaj lij, xws li Neeg Tawv Dub, Cov Neeg Hauv paus txawm, Hmoob thiab Neeg Latine, thiab lwm cov neeg xim tawv nqaij.
