Peb cov neeg ua hauj lwm muab lub sij hawm ntau txhiab teev ua hauj lwm thiab muab nyiaj txhua xyoo pab rau cov hauj lwm hauv zej zog thiab cov pab pawg ua hauj lwm pab dawb los ntawm lub khoos kas Heart of Blue. Lawv nyiam siv lawv lub sij hawm feem ntau, txuj ci thiab cov peev txheej los pab cov kev pab dawb uas:
- Txhawb nqa txoj kev ua neej noj qab haus huv
- Tawm tsam txoj kev tshaib nqhis
- Pab cov tsev neeg, cov hluas thiab cov laus
- Txhim kho kom peb cov zej zog zoo dua qhov qub
Blue Cross thov qhuas cov neeg ua hauj lwm txoj kev pab dawb los ntawm Heart of Blue
Qhov no suav nrog:
- Lub Sij Hawm So Mus Ua Hauj Lwm Pab Dawb Uas Tseem Tau Nyiaj Them Tom Hauj Lwm, muab kev yooj yim rau cov neeg ua hauj lwm mus ua tau hauj lwm pab dawb nyob rau thaum hnub ua hauj lwm, txog li 20 teev hauv ib xyoos.
- Ib qho khoom plig muab lawv tus kheej lub sij hawm rov qab rau lawv. Los ntawm qhov kev pab cuam "Dollars for Doers", Blue Cross muab $250 rau ib lub koom haum pab dawb uas tsim nyog los lees paub ib tus neeg ua hauj lwm uas muab 40 teev los sis ntau teev ntawm lawv tus kheej lub sij hawm hauv ib lub xyoo ua hauj lwm rau lub koom haum ntawd.
- Kev tsim pab pawg neeg ua hauj lwm los ntawm kev ua hauj lwm pub dawb. Txhua xyoo yuav muaj peb pab pawg neeg ua hauj lwm uas tsim thiab ua ib tes dej num pab dawb yuav tau txais nyiaj nuj sua plig $500 us pab rau lub koom haum pab dawb uas lawv tau txhawb nqa.
Kev tsim kho tshiab uas txav coj los ntawm cov neeg ua hauj lwm
Muab Cov Vaj
Blue Cross pab peb "cov thawj tswj" (cov neeg ua hauj lwm uas ua tam li yog tus neeg ua lag luam hauv tuam txhab) kom muaj cov hauv kev tshiab los muab kev pab rov qab rau peb cov zej zog. Qhov ntawd yog txoj hauv kev uas Blue Cross' Giving Garden Lub Koom Haum, yog ib lub vaj nyob rau ntawm Blue Cross lub tsev uas cog cov zaub tshiab rau peb lub zej zog, thiaj tuaj yeem tawg paj txi txiv taus.
Lub tswv yim no tau ua rau muaj ib pawg ntawm 18 (thiab nce ntau ntxiv zuj zus tuaj!) tuam txhab cov vaj zaub hauv Minnesota. Hauv 2013, pab pawg tau muab qhov khoom plig Corporate Volunteerism Council - Twin Cities' Innovation Award.
Saib seb koj yuav tuaj yeem pib lub vaj tau li cas (PDF)
Kev cob qhia Kev Muab Lub Vaj: Kev koom tes nrog St. Paul Midway YMCA
Blue Cross nthuav tawm lub zej zog muab vaj los ntawm kev koom tes nrog St. Paul Midway YMCA uas tau pib hauv 2013.
Nyob ntawm Kev Cob Qhia Kev Muab Vaj Zaub, Blue Cross cov neeg ua hauj lwm pab dawb pab cov me nyuam yaus ntawm St. Paul Midway YMCA kawm paub kev cog zaub thiab de zaub tshiab coj mus rau lawv tsev neeg noj. Qhov no yog qhov tseem ceeb heev vim tias 90% ntawm cov tub ntxhais hluas hauv txoj hauj lwm no nyob hauv tsev neeg txom nyem thiab poob rau cov xwm txheej nyuaj.
Peb tau suav sau cov ntsiab lus ntawm tag nrho tej kev ua hauj lwm uas peb lub tuam txhab thiab cov neeg ua hauj lwm tau muab rov qab rau peb Qhov Kev Tshaj Tawm Hauv Zej Zog.