Jeffrey Kang, M.D.

Thoob plaws hauv nws txoj hauj lwm, Dr. Jeffrey Kang tau ua lub luag haujlwm los hloov txoj hauv kev muab kev saib xyuas rau cov neeg laus uas muaj mob tsis tus qab thiab nyuab. Tam sim no nws yog tus tswv tsim tuam txhab WellBe Senior Medical, uas yog pab pawg saib xyuas neeg laus hauv tsev. 

Dr. Kang tau ua haujlwm hauv pab pawg kho mob, kev lag luam kev pov hwm txog kev noj qab haus huv, tsoom fwv teb chaws thiab khw muag kev saib xyuas kho mob los coj cov kev hloov pauv los txhim kho kev saib xyuas rau cov neeg mob uas yog neeg laus. Thaum nyob hauv Cov Chaw Pab Cuam rau Medicare thiab Medicaid, Dr. Kang  ua lub luag hauj lwm rau kev txiav txim siab txog kev duav roos ntxiv hauv teb chaws, kev tswj hwm kev lag luam fab kev noj qab haus huv, thiab phiaj xwm kho mob thiab kev ntsuas thiab kev txhim kho tus neeg muab kev pab kom zoo. Ua tus thawj coj saib xyuas kev noj qab haus huv ntawm Cigna, nws tau coj txoj kev txhim kho ntawm ntau lub tswv yim tsim los txhim kho kev saib xyuas neeg mob thaum tswj cov nqi. Thiab, ua tus lwm thawj coj ntawm Walgreens kev pab cuam kev kho mob thiab kev noj qab haus huv thiab kev daws teeb meem, Dr. Kang tau saib xyuas lub tuam txhab cov lag luam kho mob uas tab tom loj hlob.  Tsis ntev los no nws yog tus Thawj Tswj Hwm ntawm ChenMed ib pab pawg kho mob tseem ceeb rau cov neeg laus txom nyem. 

Dr. Kang tau kawm tiav bachelor's degree los ntawm Harvard, kawm tiav Doctor of Medicine ntawm UC San Francisco thiab kawm tiav Master's hauv Public Health los ntawm UC Berkeley. Nws ua tiav nws txoj kev cob qhia kev kho mob hauv Tsev Kho Mob Beth Israel hauv Boston thiab tseem nyob hauv feem kawm kev kho mob hauv Tsev Kawm Ntawv Kho Mob Harvard. Dr. Kang kuj tseem tab tom ua haujlwm rau pawg thawj coj ntawm NCQA (National Committee for Quality Assurance) thiab ChenMed.

Pawg Neeg Saib Xyuas: Peev Txheej Neeg Ua Hauj Lwm, kev Siv Tshuab & kev Ua Haujlwm