HSA, HRA thiab FSA: Qhov sib txawv nyob nruab ntawm cov as khauj siv nyiaj rau kev kho mob

Tus as khauj siv nyiaj rau kev kho mob (MSA) tuaj yeem muab txuas nrog qee cov phiaj xwm kev noj qab haus huv uas saib xyuas los ntawm tus neeg siv khoom (CDHP). Feem ntau cov phiaj xwm kev noj qab haus huv no muaj nyiaj lov tawm cia siab. Lawv pab koj khaws cov nyiaj uas ntej lov se mus cia rau hauv tus as khauj. Tom qab ntawv koj tuaj yeem tuav tswj koj cov nqi saib xyuas kho mob los ntawm kev siv cov peev nyiaj los them rau cov kev siv nyiaj ntawm tus kheej hnab tshos uas tsim nyog.

Los mus saib seb tus as khauj txuag nyiaj rau kev kho mob puas haum rau koj, mus saib Further hauv (Tus SelectAccount dhau los^®).

Kawm paub ntxiv txog cov as khauj siv nyiaj

HSA yog dab tsi thiab nws ua hauj lwm li cas?

HSA yog tus as khauj txuag nyiaj rau kev noj qab haus huv uas ua hauj lwm nrog txoj phiaj xwm kho mob uas muaj nyiaj lov tawm siab. Koj tuaj yeem siv cov peev nyiaj los pab them rau cov nqi siv nyiaj saib xyuas kho mob them ntawm tus kheej hnab nyiaj. koj qhov kev pov hwm txog kev noj qab haus huv tsis duav roos.

Siv qhov nyiaj nyob hauv tus as khauj HSA los them rau cov nuj nqis uas rho hauv koj hnab ris hnab tshos ntiag tug them xws li, cov nqi lov tawm, cov nqi sib koom them thiab nyiaj isalas sib nrog them ua ke. Koj kuj tuaj yeem siv tus as khauj HSA cov peev nyiaj los them rau kev kho hniav thiab kev kho qhov muag.

Qhov zoo ntawm tus as khauj HSA

Qhov txiaj ntsig loj ntawm tus as khauj HSA yog qhov uas nws tuaj yeem lov tawm ntawm se. Koj tuaj yeem tso cov nyiaj ua ntej lov se mus rau hauv tus as khauj HSA, thiab khw tau qhov paj ntsig uas tsis muaj se. Koj tsis tau them ib cov se thaum koj nqa cov nyiaj tawm ntawm HSA txhawm rau them rau cov kev siv nyiaj kev kho mob tsim nyog.

Ntawm no yog qee cov kev zoo ntawm tus as khauj HSA:

• Cov nyiaj lov tawm ntawm se: Koj tsis tau them cov se hauv koj cov nyiaj uas koj muab tso cia hauv tus as khauj
• Se dawb: Koj tsis tas yuav them se ntawm cov nyiaj koj rho tawm los them rau cov kev siv nyiaj rau cov kev kho mob uas tsim nyog
• Qhov paj ntsig uas tsis muaj se: Koj khwv tau qhov paj ntsig hauv koj qhov nyiaj hauv koj tus as khauj HSA
• Kev muab xa mus: Koj qhov nyiaj seem hauv tus as khauj HSA yuav xa tawm mus rau lwm lub xyoo thaum nyob tom ntu kawg ntawm lub xyoo no, yog li ntawd koj yeej ib txwm tsis poob cov peev nyiaj uas koj tsis tau siv
• Nqa tau nrog yus: Koj tuaj yeem khaws koj tus as khauj HSA, yog tias koj hloov mus rau lwm txoj phiaj xwm tuav pov hwm uas muaj qhov nyiaj lov tawm siab los sis hloov pauv cov tswv hauj lwm
• So noj nyiaj laus: Thaum muaj hnub nyoog 65, koj tuaj yeem siv cov peev nyiaj HSA rau txhua qhov laj thawj, tsis yog kev saib xyuas kho mob nkaus xwb - tsis tas them nqi nplua.
• Kev nqis peev: Thaum koj qhov nyiaj seem siab tshaj $1,000, koj tuaj yeem nqis peev cov nyiaj tshaj qhov nyiaj ntawd mus rau hauv cov peev nyiaj sib koom ua ke, kev lag luam nyiaj txiag los sis cov ntawv cog lus nyiaj txiag ntawm nom tswv

Tus as khauj HSA muaj qhov sib txawv ntawm tus as khauj HRA los sis tus FSA li cas?

Tus as khauj HRA yog kev npaj rau kev them rov qab rau kev noj qab haus huv uas tsuas muaj dhau ntawm qhov chaw ua hauj lwm nkaus xwb. Qhov peev nyiaj ntawm tus tswv hauj lwm qhov HRAs. Yog tias koj muaj txoj phiaj xwm kev txiav tawm siab dua los ntawm koj txoj hauj lwm, koj tuaj yeem siv cov nyiaj daus las hauv qhov HRA los them koj cov nqi saib xyuas kho mob tsim nyog. Tab sis koj yuav tsum siv cov nyiaj hauv koj tus as khauj HRA rau thaum kawg ntawm txhua xyoo. Qhov nyiaj seem tsis tau muab nqa hla mus rau lub xyoo tom ntej.

Qhov FSA yog ib qho kev siv nyiaj yooj yim uas tso cai rau koj tso nyiaj tsis tau them se rau cov kev siv nyiaj tsim nyog, xws li kev saib xyuas nruab hnub thiab cov khoom kho mob thiab cov kev pab cuam uas koj txoj phiaj xwm kho mob tsis duav roos (xws li kev kho qhov muag thiab kho hniav). Qhov FSA tsuas yog muaj nrog cov phiaj xwm kho mob uas koj tau txais los ntawm koj tus tswv hauj lwm.

Koj tuaj yeem txuas tus as khauj FSA nrog HSA. Txawm li cas los xij, koj yuav tsum siv koj li HSA los them rau cov kev siv nyiaj saib xyuas kho mob uas tsim nyog. Koj tuaj yeem siv koj cov nyiaj hauv tus as khauj FSA rau lwm cov nqi uas muaj cai tau txais, xws li kev kho qhov muag thiab kho hniav.

Sib piv cov as khauj HSA, HRA thiab FSA

Kuv yuav ua li cas thiaj tau tus as khauj HSA los sis lwm tus as khauj txuag nyiaj rau kev kho mob?

Yog tias koj tab tom nrhiav txoj phiaj xwm kho mob rau koj thiab koj tsev neeg, mus saib hauv peb qhov tus kheej thiab tsev neeg cov phiaj xwm. Yog tias koj xaiv tus as khauj HSA txoj phiaj xwm, Blue Cross yuav muab cov ntaub ntawv uas koj xav tau rau koj los qhib koj tus as khauj HSA.

Saib hauv tus kheej thiab tsev neeg cov phiaj xwm

Yog tias koj muaj txoj phiaj xwm kho mob dhau ntawm koj tus tswv hauj lwm, kuaj xyuas nrog lub chaw saib xyuas cov peev txheej rau tib neeg los nrhiav txog tus as khauj HSA, HRA los sis FSA cov kev xaiv thiab txoj hauv kev qhib ib tug as khauj.

Kuv yuav ua li cas thiaj li nrhiav tau kuv qhov nyiaj seem ntawm tus as khauj HSA, HRA los sis FSA?

Yog tias koj yog Blue Cross tus tswv cuab thiab muaj tus as khauj HSA, HRA los sis FSA, rau npe los sis nkag mus rau tus tswv cuab lub vev xaib los kuaj xyuas koj li qhov nyiaj seem.

Paub ntxiv txog cov as khauj HSA

6 cov txiaj ntsig ntawm kev xaiv tus as khauj HSA
7 cov hauv kev los txuag nyiaj ntawm kev kho mob
Tus as khauj txuag nyiaj rau kev noj qab haus huv ua hauj lwm li cas
Kev txuag nyiaj laus nrog qhov HSA